Интубациялық наркоз кезінде наркозға арналған бірден бір дәрі ретінде Тиопентал-КМП пайдалану ұсынылмайды, өйткені көмейдің түйілуінің және жөтелдің пайда болу қаупі бар.
Тиопентал-КМП жүрек-қантамыр ауруларымен науқастарда тыныстың тарылуын туындатады, Тиопентал-КМП қолдану жедел қан айналымы жеткіліксіздігін, атап айтқанда, констриктивті перикардит туғызуы мүмкін.
Гиповолемия, қатты қан кету, күйіктер, жүрек-қантамыр ауруларында, миастения, бүйрек үсті бездері қыртысы жеткіліксіздігінде (тіпті кортизон деңгейі бақыланса да), кахексия, жоғары бассүйекішілік қысым, қан мочевинасының жоғары деңгейінде пациенттерге Тиопентал-КМП ерекше сақтықпен қолдану ұсынылған.
Тиопентал-КМП негізінен бауырда метаболизденеді, сондықтан бауыр жеткіліксіздігі бар пациенттерге дозаны азайту қажет.
Барбитураттарды ауыр бүйрек жеткіліксіздігінде сақтықпен пайдалану керек. Препаратты егде жастағы адамдар мен премедикация кезінде есірткілік аналгетиктер пайдаланған пациенттерге қолдану кезінде де дозаны азайту қажет.
Натрий тиопенталы (пентолат – натрий) көк тамырға енгізгенде 1 мин кейін қозу сатысынсыз наркоз шақырады. Наркоздың ұзақтығы 20 – 30 мин. Әсерінің қысқалылығы препараттың ағзада , атап айтқанда май тіндерінде оның көп мөлшерде жиналуына байланысты. Натрий тиопенталының инактивациясы бауырда жүреді.
