«Топтық психотерапия» терминін алғаш 1932ж. Якоб Морено қолданды, яғни психотерапияның жекелей емес, топ болып жүргізілуі болып табылады.
Тренингтік топтардың басты мақсаты - өзінің мінез-құлқын зерттеуге дайындығының дамуы, өзара жеке адамдық қарым-қатынастардағы әлеуметтік жетіктілікті және ашықтылықты жетілдіру, әріптестікке және келіспеушіліктерді біріге шешуге баулу деп санайды.
Психологиялық тренинг – топтық жұмыстың кез-келген түрі емес. Бұл өзінің мүмкіндіктерімен, шектеулерімен, ережелері және мәселелерімен айқындалған топтық жұмыстың ерекше түрі. Тренинг оқытудың түрі, жаңа дағдыларды игеру, өзінің бойынан жаңа психологиялық мүмкіндіктерді ашуды білдіреді.
И.В.Вачков тренинг барысындағы психологиялық әсер етудің «агрессивтілік» шкаласын 4 пунктке бөледі:
Тренинг өзіндік жаттықтыру әдісі ретінде; Мұндай тренингте қатаң манипулятивті тәсілдермен қатысушылардың қажет мінез-құлқы орнықтырылады.
Тренинг жаттығу ретінде; Мұндай тренинг нәтижесінде тиімді мінез-құлық іскерліктері мен дағдыларын өңдеу мен қалыптастыру жүргізіледі.
Тренинг белсенді оқыту әдісі ретінде болғанда, ең алдымен оның мақсаты психологиялық білімдерді беру, сондай-ақ кейбір іскерліктер мен дағдыларды дамыту болып табылады.
Тренинг қатысушылардың өзіндік ашылуы және өзінің психологиялық мәселелерінің шешімінің жолдарын өзбетті іздеу үшін жағдай жасау әдісі ретінде де қолданылады.
