7.2.1.1 мәтіндік және графиктік (кесте, диаграмма, сурет, шартты белгілер) ақпаратты
интерпретациялау; 7.2.2.1 публицистикалық және ресми стиль ерекшеліктерінде қолданылған тілдік
құралдар арқылы тану; 7.2.3.1 хроника құрылымы мен ресімделуі арқылы жанрлық ерекшеліктерін
ажырату;
7.2.4.1 идеясы ұқсас публицистикалық және көркем әдебиет стиліндегі мәтіндердің тақырыбы,
құрылымы, мақсатты аудиториясы, тілдік ерекшелігін салыстыра талдау; 7.2.5.1 мәтін бойынша
проблемалық сұрақтар құрастыру; 7.2.6.1 оқылым стратегияларын қолдану: комментарий жасау, іріктеп
оқу, зерттеп оқу; 7.2.7.1 ғаламтор, энциклопедия, газет-журналдар, оқулықтардан алынған деректерді
қолдану, авторына сілтеме жасау [5]
Мұғалім оқылым әрекеті бойынша мақсатты таңдап, сол мақсатқа сай тапсырма құрастырады.
Мәселен, «7.2.6.1 оқылым стратегияларын қолдану: комментарий жасау, іріктеп оқу, зерттеп оқу»
мақсатына жету үшін 7-сынып оқулығында ұсынылған «Көшпенділер мәдениеті» тарауындағы мәтінді
«Сканер» әдісін пайдалану арқылы меңгертуге болады. Мысалы:
Ғұндар сақтардың киім кию мәдениетін сақтап қалған. Шошақ баскиімдер, асқан шеберлікпен сәнделген сырт киімдер, сырылып тігілген жейделер, лақтың, құлынның терілерінен тігілген шалбарлар, былғары етіктер сапасы жоғары маталардан тігілген. Түркі қағанаты Иран, Византия мемлекеттерімен сауда-саттық байланыстарын жүргізді. Жетісу, Ұлы Жібек жолы бойындағы қалалар саудаға еркін араласа бастады. Ол кезде қағанат жеріндегі адамдар жібектен тігілген киім киген. Орта ғасырда Қазақстан аумағында өмір сүрген түркі тайпаларының бас және сырткиім үлгілері Орхон-Енисей ескерткіштері мен тас мүсіндерде сақталып қалған [6]
