| Жұмыстың талқылануы мен жариялануы: Зерттеу жұмысының нәтижелері мен тұжырымдары «Мемлекеттік тіл саясаты: терминология, аударматану, ресми құжат тілі» атты халықаралық ғылыми-теориялық конференцияда (Алматы, 2007); «Жаңа ғасырдағы Қазақстанның тілдік кеңістігі және әлемдік лингвистиканың өзекті мәселелері» атты халықаралық ғылыми-теориялық конференцияда (Алматы, 2008); «Түркі әлемі: тіл, мәдениет, қоғам» атты халықаралық ғылыми-теориялық конференцияда (Алматы, 2009); «Білім беру және ғылым: даму көкжиегі» атты халықаралық ғылыми-тәжірибелік конференцияда (Алматы, 2010), «Лингвистикалық жұма» атты ғылыми-әдістемелік лингвистикалық семинарда (2009 ж.) баяндалды. Республикалық ғылыми басылымдарда 8 мақала жарияланды және Б. Сағындықұлымен бірге ««Мухаббат-наме» ескерткішінің (XIVғ.) мәтіні» атты 1 оқу құралы (Алматы, 2007) жарық көрді.
Диссертациялық жұмыстың қолжазбасы А. Байтұрсынұлы атындағы Тіл білімі институтының тіл тарихы мен диалектологиясы бөлімінің кеңейтілген мәжілісінде 2010 жылдың 28 мамырында (№ 3 хаттама) талқыланып, мақұлданды.
Достарыңызбен бөлісу: |
