КІРІСПЕ Жұмыстың жалпы сипаттамасы. Алтын Орда дәуірінде дүниеге келген ескерткіштің бірі – «Мухаббат-наме». Дастан Хорезмидің төл туындысы болып саналады. Зерттеу жұмысында осы жәдігердің лексикалық ерекшеліктері қазіргі қазақ тілі лексикасымен салыстырылып талданды. Жалпы бұл зерттеу еңбекте аталмыш ескерткіш тіліндегі сөздік қордың фонетикалық ерекшеліктері, морфологиялық құрамдас бөліктері, кейбір сөздердің қазақ тілі тұрғысынан көнеру сипаты, лексика-тақырыптық, лексика-семантикалық парадигмасы, сөздердің лексикалық мағыналарының кеңеюі мен тарылуы, және т.б. мәселелер қарастырылады.
