Тірек мектебі (ресурстық орталық) жағдайында мұғалімді бейіндеп даярлау мәселелері
жүктеу/скачать 0,76 Mb. Pdf көрінісі
|
| Қорытынды
Қазіргі таңда Қазақстан Республикасында жүргізіліп жатқан білім беру мазмұнын жаңарту әрбір адамды заманауи білім алуға қажетті мүмкіндіктер құруға бағытталған. Еліміздің әлеуметтік-экономикалық дамуын жеделтету міндеті жоғары оқу орнынан кейінгі білімді түбегейлі өзгертуді талап етеді. Жоғары кәсібилікке ие, бәсекеге қабілетті, қоғамның
өзгермелі жағдайларына тез бейімделетін жоғары кәсіби маман даярлауға бағытталған қазіргі қоғам талап ететін талаптарды тәжірибеде іске асыру қазіргі білімнің өзекті мәселелерінің бірі болып табылады. Бейінді оқытудың тұжырымдамасы білім беру жүйесінің мазмұны мен құрылымын өзгерту стратегиясын анықтайды. Бұл өзгерістер білім беру сапасын арттыруға және білім алушылардың әртүрлі категорияларын олардың жеке бейімділігі мен сұраныстарына сәйкес толыққанды дайындауда тең қолжетімділігін орнатуға бағытталған. Осыған байланысты педагогикалық қызмет
әлеуметтік-мәдени мәнге
ие және
мұғалім мәдени-тарихи құндылықтарды біліп-танушы ретінде жаңа жағымды мәдени мүмкіндіктерді құру қабілетіне (үздік дәстүрлерді сақтау немесе оларды өзгермелі әлеуметтік- мәдени жағдайларға бейімдеу) де ие болуы қажет. Нәтижесінде, педагогикалық білім мекемелерінің алдында тұрған міндеттер де біршама қиындай түседі. Бұл өз кезегінде білім беру жүйесіне мамандар даярлауда тұжырымдамалық әдістерді қайта қарастыруды талап етеді. Тірек мектебі (ресурстық орталық) мұғалімі өз қызметіне сәйкес жоғары деңгейлі маман болып қана қоймай, сонымен қатар: - білім процесінің вариативтілігін және тұлғаға бағдарлануын (жеке білім траекториясын жобалау); - интерактивтік, іс-әрекеттік компоненттерді енгізу арқылы білім процесінің практикалық бағыттылығын (жобалау-зерттеу және
коммуникативтік әдістерді меңгеру); - жоғары сынып оқушыларының бейіндік өзін-өзі анықтауын және кәсіби білім саласына тиісті білімді әрі қарай жалғастыруға қажетті қабілеттер мен құзыреттіліктер қалыптастыруды қамтамасыз ету қажет. Шағын жинақты мектептерді біріктіретін тірек мектепте (ресурстық
мұғалімдердің басын қосып,
әртүрлі бағытта әдістемелік жұмыстарды ұйымдастыру, тәжірибе алмасу арқылы олардың педагогикалық шеберлігін жетілдіру – қазіргі өзекті мәселелердің бірі болып отыр. Тірек мектеп (ресурстық орталық) жағдайындағы әдістемелік жұмыстарды мұғалімдердің жеке педагогикалық шеберлігін жетілдіруге әсер ететіндей етіп ұйымдастыру педагогикалық ұжымда шығармашылық ахуал орнатуға, шеберліктің биіктіктеріне көтерілуді нәтижелі ететін шығармашылық қарым-қатынас орнатуға, педагогикалық оқшаулықты (кейде тіпті
жалғыздықты) сезінбеуге, педагогикалық жағдаяттарды бірлесе шешуге мүмкіндік туғызады.
|