Тірі болсам, хан баласында қазақтың хақысы бар еді, қазаққа қызмет қылмай қоймаймын!
жүктеу/скачать 15,39 Mb. Pdf көрінісі
|
e0be8266bf1c310cf368d6fe2d998af0
- Бұл бет үшін навигация:
- 57. Піл мен қасқыр
- 58. Сепле, балықтар, шаян
| 56. Сұңқар мен әтеш
Иесі шақырса, сұңқар қолына қонады. Иесі жақындап келсе, әтеш қаша жөнеліп, ойбай салады. – Әтеш тұқымында тәңір жарылқасын жоқ, тексіздігі көрініп тұр. Құлсыңдар сендер: аш болсаңдар ғана иелеріңе барасыңдар. Біз, тағы құс, сендердей емеспіз: біз мықтымыз, біз ұшқырмыз, кісіден қашпаймыз, шақырса – қолына барып қонамыз, кім тамақ беретінін біз білеміз, – деп сұңқар көпіре соқты. – Сендер, сұңқарым, қуырдақ қылып қойған бір сұңқарды көрген жоқсыңдар. Біз күнде майға қайнатқан әтешті көреміз; сендер сол үшін кісіден қашпайсыңдар, – деп әтеш сұңқарға жауап берді. 57. Піл мен қасқыр Қасқырлар ағаш ішіндегі жемтігін жеп бітірді. Енді жейтін түк қалмады. Кәрі қасқыр тамақ асырайтын амал тапты: пілге барды. «Біздің патшамыз құтырды: қолдан келмейтінді істе деп жарлық салды. Біз енді өзге патша сайлап алмақ болдық. Сізді патша қоямыз деп, шақырып кел деп мені жұмсады; біздің 233 тұрмыс жақсы, сізді құрметтейміз, не қыл деген жарлығың орындалады. Біздің елге жүріңіз, – деп қасқыр пілге зулады. – Жарайды, – деп піл қасқырға еріп жүрді. Пілді алып, қасқырың сазға келді. Батпаққа піл жығылды. Кәрі қасқыр пілге: – Енді не айтасың – соны біз қыламыз, – деді. Піл тұрып: – Мені батпақтан суырып алыңдар, мен бұйырам! – деді. Кәрі қасқыр күліп: – Құйрығымнан ұста, қазір шығарайын, – деді. Піл тұрып: – Мені сен құйрығыңмен шығара аласың ба? – деді. Кәрі қасқыр тұрып: – Олай болса, орнына келтіре алмайтын жарлықты сен неге қыласың? Бұрынғы патшамызды орындал- майтын жарлық қылған соң біз қудық, – деді. Сазда өліп жатқан пілді қасқырлар жиылып жеді. 58. Сепле, балықтар, шаян Көлдің жағасында бір сепле [цапля немесе көкқұтан] өмір сүріп, сол жерде қартайды. Әлі кетіп кәрі сепле балық алып, жеуден қалды, амалмен күнелтуді ойлады. – Сендер, сорлы балықтар, түкті білмейсіңдер: сендерге қандай пәле келе жатыр. Мен есіттім: көлді ағызып құрғатып жіберіп, балықтың бәрін адам ұстап алмақ. Мен білетін тау астында бір жақсы көл бар. Сендерге мен болысар едім, бірақ кәртайдым, ұша алмаймын, – деп сепле балықтарға достығын білгізді. Балықтар жалынып, көмек көрсет деп сепледен сұрады. – Амал жоқ, жарайды, болысайын, бірақ бір-бірден болмаса, көп балықты біржолата көтеруге әлім жоқ, – деді. Балықтар қуанды: – Мені әкет, мені әкет! – деп анау да, мы- нау да жалынды. Сепле балықтарды бір-бірден таси бастады: далаға алып ба- рады да жейді. Өстіп көп балықты жеді. Көлде кәрі шаян бар еді. Сепле балықты таси бастағанда, шаян сұмдықты білді. 234 Кәрі шаян тұрып: – Жә, сепле, жаңа қонысқа енді мені алып бар, – деді. Шаянды алып сепле жөнелді. Далаға әкеліп, жерге таста- йын деп еді, балықтың сүйегін шаян көріп, сепледен айрылма- ды, қайшысымен сеплені мойнынан алып буындырып өлтірді. Көлге қайтып келіп, шаян көрген-білгенін балықтарға баян етті. жүктеу/скачать 15,39 Mb. Достарыңызбен бөлісу:
|