Шығару (5, г сур.). Платиналар көмегімен жаңа тұйықталмаған ілмекті (иілген жіпті) ине ілгегінің астына шығарады.
Престеу (5, д сур.). Пресс иненің ілгегінің ұшын иненің өзегіндегі ойысқа батырады. Бұл операцияның мақсаты – бұрынғы ілмекті ілгектің астына кіргізбеу.
Келтіру (5, е сур.). Бұрынғы ілмек жайманы тартқыш күш пен платиналардың әсерінен престелген инелердің ілгегіне қарай жылжиды. КТ типтес машинада келтіру операциясы біртіндеп 4 келтіргіш платиналар көмегімен тікелей орындалады. Осы платиналар инелердің арасына сырт жағынан әр деңгейде кіреді.
Қосу ( 5, ж сур.). Бұрынғы ілмек иненің ілгегі бойынша жоғары қарай жылжып жаңа ілмекпен қосылады. Қосу -–бұл бұрынғы ілмекпен ілгектің арасындағы жаңа тұйықталмаған ілмектің түйісуі. Қосуды орындаудың алдында жаңа тұйықталмаған ілмек ( иілдіруден кейін) ине ілгегінің астында болу қажет.
Түсіру (5, з сур.). Бұрынғы ілмек инелердің басынан жаңа құрылған ілмекке түседі. Бұл операцияның мақсаты – бұрынғы ілмекті иненің ілгегінен еріксіз түсіру. КТ типтес машинада осы жай бұрынғы ілмек иненің ілгегінен сырғып түспейінше келтіру – түсіру платиналарымен орындалады. Бұл операциялардың орындалуына тарту күші ықпал етеді.
Қалыптастыру (5, и сур.). Жаңа ілмек алдыңғы ілмектер арқылы созылып, олардың мөлшері бірдей болады. КТ типтес машинада қалыптастыру келтіру – түсіру платиналары мен тарту күшінің әсері арқылы орындалады.
