Омоним – дыбысталуы бірдей, бірақ мағыналары әр түрлі сөздер.
Мысалы: «Жақ» омоним сөзінің мағыналары:
Адамның жағы/ От жақ / Оң жақ / Маған жақ бол / Қара бояу жақ Омонимдердің жасалу жолдары:
Жұрнақ арқылы: шығыс ( шық +ыс), жастық ( жас + тық);
Кірме сөз арқылы: бақ (парсы. «бақт»), сап (араб «саф»);
Сөздің дыбыстық өзгеріске ұшырауы: біз (бігіз);
128-тапсырма. Мақалдан омоним болатын сөзді табыңыздар.
Батырға оқ дарымайды, Батылға жау жоламайды
129-тапсырма. Үш, бес, жеті, сандарына арналған асыл сөздерді жазып, омоним сөздер болса, астын сызыңыздар.
130-тапсырма. Төмендегі сөйлемдерді оқып, омонимдерді тауып, мағыналарын анықтаңыздар.
Шаш – адам көркі. Тауықққа жем шаш. Бас ауырады. Кібіртіктемей, аяғыңды бас.
131-тапсырма. Сөйлем құрамынан омонимдерді тауып, мағыналарын анықтаңыздар.
Сылдыр үн көңілді көктемді қошеметтейді. Бір кезде осы дыбысқа адам үні араласқандай болды.
132-тапсырма. Қол, үй, қой омонимдерін қатыстырып, сөйлем құрастырыңыздар.
133-тапсырма. Айт, жан, ен, бөле сөздері омоним болатындай бірнеше сөйлем құрастырыңыздар.
134-тапсырма. Күрес, жең, шағын сөздері омоним болатындай сөз тіркесін құрастырыңыздар.
135-тапсырма. Сөйлемнен терминдерді теріп жазып, ол термин қай салаға қатысты екенін айтыңыздар.
Тамшылар формасы жағынан призма деп аталатын геометриялық фигураға жуықтау болады.
Достарыңызбен бөлісу: |
