Gelmek işligi aslynda adamyň bir ýerden ikinji bir ýere ýöräp barmagyny aňladýar. Awtobus geldi, otly geldi, gämi geldi, uçar geldi...ýaly mysallarda geldi sözi göçme manylarda ulanylýar.
Sözüň manysynyň daralmagy. Söz manysynyň daralmagy söz manysynyň giňelmeginiň tersidir. Bu hadysa söz manysynyň özgeriş prosessleriniň bir görnüşi bolup, söz manysynyň giňeliş prosessi ýaly önümli prosess däldir. Umumy düşünjäni aňladýan sözüň konkret manyny aňlatmagy bilen sözüň manysy konkretleşýär, daralýar. Edil şonuň bilen hem täze manyly söz emele gelýär. Şeýlelikde, söz manysy daralanda hem ýene täze many ýüze çykyp, ikinji tarapdan; sözüň manysy köpelýär, giňeýär. Şonuň üҫin hem dilşynas N.Nartyýewiň işinde şeýle maglumatlary gӧrmäge bolýar: « Uzak döwürleriň geçmegi bilen durmuşda, jemgyýetiň ösüşinde, ylymda, medeniỳetde, önümçilikde we aň-düşünjede köp özgerişler bolup geçýär. Şoňa laýyklykda söz manysynyň daralmagy netijesinde öň umumy many aňladýan sözleriň manysy konkretleşýär. Aýry-aýry sözleriň many ýüki ỳeňleýär, ulanylyş gerimi daralýar. Şol bir wagtyň özünde söz manysynyň daralmagy hem täze manyly sözleriň döremegine alyp barýar. Şeỳlelikde, diliň sözlük düzüminiň baýlaşmagyna, ösmegine sebäp bolýar.
