Үш-ақ нәрсе адамның қасиеті:
ыстық қайрат,
нұрлы ақыл,
жылы жүрек.
(А.Құнанбаев)
2.1. АДАМГЕРШІЛІК ӘЛІППЕСІ
1-тапсырма. Тыңдаңыз. Сөз және сөз тіркестерімен танысыңыз.
Өскен орта, оң бағыт беру, теріс жерін дереу жөндеу, демеп жіберу, жүктелер міндет, жағымсыз қылық, арылту, ақылдылық таныту, асыл қасиеттер, үздіксіз ұялату, айналасымен санасу.
2-тапсырма. Ойтүрткі сұрақтарға жауап беріңіз.
1) Адамгершілік әліппесі дегенді қалай түсінесіз?
2) Адамгершілік дегеніміз не?
3) Адамгершілікке не жатады?
4) Адам бойында адамгершілік қасиет қалай қалыптасады?
3- тапсырма. Мәтінді оқыңыз.
Адам бойында адамгершілік қасиеттің болуы жанұяға, өскен ортасына байланысты. Бала ісінің дұрыс екенін қоштап, оң бағыт беріп, теріс жерін дереу жөндеп, демеп жіберу – ата-ана мен тәрбиешіге жүктелер міндет. «Адам бойында жақсы қасиеттер көп болса, оған бақ та, бақыт та қонады» деген сөзге сүйенсек, жағымсыз қылық-қасиеттер болса, одан арылту қажет. Көптеген қайырымды істер жасап, жақсы мінез-құлықтарды өн бойыңа жинап, ақылдылық танытсаң, міне, адамшылдық деген осы!
Көрнекті педагог В. Сухомлинский «Егер балаға қуаныш пен бақыт бере білсек, ол бала солай бола алады», - дейді. Демек, балаға жан-жақты
терең білім беріп, оның жүрегіне адамгершіліктің асыл қасиеттерін үздіксіз ұялата білсек, ертеңгі азамат – жеке тұлғаның өзіндік көзқарасының қалыптасуына, айналасымен санасуына ықпал етері сөзсіз.
(Өтегенова Ә.Ж. bilimsite.kz.)
Достарыңызбен бөлісу: |
