«Валеология» пәніне репродуктивті және сексуалды денсаулықты қорғау жөніндегі
Пікірталас. Отбасында гендерлік рөлдерді бөлуге көзқарас
жүктеу/скачать 1,79 Mb. Pdf көрінісі
|
Valeologia kaz
- Бұл бет үшін навигация:
- 13. «Қатынасу мен отбасындағы психологиялық ахуал» мультимедиалық презентациясының сүйемелдеуімен өтетін шағын-дәріс Мысал мазмұн.
| 12. Пікірталас. Отбасында гендерлік рөлдерді бөлуге көзқарас.
Оқытушы оқушыларға пайымдамалары бар парақтарды тарқатып, оларға әрбір пайымдаманың қарсы тұсына «келісемін» немесе «келіспеймін» деген пікір жазуын ұсынады. • Жұмыс – бұл әрине жақсы, дегенмен, әйел адам балалармен үйде болу керек. • Үй бикесі болу – бұл жұмысбастылықпен бірдей. • Мектепке дейінгі жастағы бала, оның анасының үнемі жұмыс істеуінен зардап шегеді. • Еркектер әйелдерге қарағанда эмоциялары аз болып келеді. • Жұмысбасты ана жұмыс істемейтін ана тәрізді баласымен жылы және мықты қатынастар орната алады. • Жұмысы болу – әйел үшін тәуелсіз болудың ең жалғыз шешімі. • Ері де, әйелі де үй шаруашылығына материалдық қазына әкелуі тиіс. • Әкелер де аналардың деңгейінде балаларға қамқор бола алады. Сонан соң, берілген пайымдамалардың 2-3-нен пікірталас ұйымдастырылады. 13. «Қатынасу мен отбасындағы психологиялық ахуал» мультимедиалық презентациясының сүйемелдеуімен өтетін шағын-дәріс Мысал мазмұн. Отбасындағы өмір ері мен әйелінің, ата-аналары мен балаларының қатынастарынсыз мүмкін емес. Отбасындағы қарым-қатынас отбасы мүшелерінің бір- біріне қатынасы мен олардың өзара байланысынан, олардың арасында ақпарат алмасу мен олардың рухану байланысынан тұрады. Қарым-қатынас жасау - жұмыс, үй шаруашылықтары, денсаулық, достар мен таныстардың өмірі туралы сөйлесуден басқа, балаларды тәрбиелеуге, өнерге, саясатқа және т.б. байланысты әңгімелесуді де қосады. Отбасылық қарым-қатынастарда ең бастылардың бірі болып табылатын - өзгені құрметтеу, оның «Менін» құрметтеу сияқты аса маңызды адамгерішілік қағидаттар. Дегенмен, айна-қатесіз қарым-қатынастан, яғни тек қана келісімнен тұратын қатынас болмайды. Мұндай жағдайларда отбасы мүшелеріне бір-бірінің жағдайларын түсіну, өзін басқа біреудің орына қойып көру өте маңызды. Кей кездері келісімге келе білу де пайдалы, яғни бір-біріне жол беру. Сондай-ақ, басқалардың қателесуге құқы болатындығы сияқты өзінің қателіктерін де мойындай білу өте маңызды. Жылы сөздерге, мақтау сөздерге берілмей өз ойларымен жиі бөлісу де маңызды. Қарым-қатынас жасау мәдениетінің негізгі құрамдас бөліктері уайым-қайғысына ортақтасу, шыдамдылық, көнбістік, ізгіниеттілік болып табылады. Отбасындағы толыққанды қарым-қатынасқа балалар да зәру. Қарым-қатынас балада жеке-тұлғаны қалыптастырудың негізгі факторларының бірі болып табылады. Көптеген отбасыларда, көбірек өзімізде балалар әкесіне қарағанда, анасымен көбірек тілдеседі. Кейбір балаларда, тіпті әкесіне де, анасына да сенімді қарым-қатынас жоқ. Бұл жағдай көбіне, жұбайлар арасында және ата-аналар мен балалар арасында жақын рухани байланыстар орнамаған отбасыларда болады. Бұл балалардың бойында толыққанды қарым-қатынастың қалыптасуына кері әсерін тигізеді. Қарым-қатынас жасай алмау -отбасын бұзуға дейін алып барады. Отбасында мұндай қарым-қатынастың салдары, қоғамға алып әлеуметтік зиянын тигізетін ұрыс-керіс пен ажырасудан болуы мүмкін. Ата-аналарда осылай, балаларының бойында адамдық қарым-қатынасқа қабілеттілік тәрбиесін қалыптастыру жауапкерішілігі жатыр. Ерлі-зайыптылардың қарым- қатынас жасай білуіне, көбіне, отбасының барлық мүшелерінің адамгершілік- психологиялық саулығы байланысты. 63 Отбасындағы психологиялық ахуал қарым-қатынас жасауға байланысты - олардың рухани толғаныстарының, бір-біріне, басқа адамдарға, жұмысқа, айналадағы оқиғаларға қарым-қатынасының нәтижесінде пайда болатын отбасы мүшелерінің көңіл-күйлерінің жиынтығының нәтижесінде пайда болатын тұрақты эмоциялы көңіл-күй. Психологиялық ахуалды отбасы мүшелері жасайды. Отбасындағы жақсы психологиялық ахуалдың негізі, ең алдымен ері мен әйелінің жалпы адамгерішілк көзқарастары болып табылады. Отбасындағы жақсы психологиялық ахуал үшін ұжымдық ұйымшылдық, ізгіниеттілік, бір-біріне талаптылық, эмоциялы қанағат және қорғаныш сезімі, отбасын мақтан ету, ішкі жоғарғы тәртіптілік, жауапкершілік, ұстанымдылық тән. Отбасындағы жақсы психологиялық ахуалдың маңызды көрсеткіштері – оның мүшелерінің бос уақыттарын бірге өткізуге тырысуы, отбасының ашықтығы, туыстармен, көршілермен, достармен және таныстармен жылы қарым-қатынастар. Отбасындағы жағымсыз психологиялық ахуал күйзеліске, ұрыстарға, психологиялық қысымға, жағымды эмоциялардың азаюына әкеліп соқтырады. Егер отбасы мүшелері бұл жағдайды жақсы жаққа өзгертуге ұмтылмаса, онда отбасының өзінің өмір сүруі екі талай. жүктеу/скачать 1,79 Mb. Достарыңызбен бөлісу:
|