Зертханалық сабақтардың ОҚу материалдары сутегі №1 зертханалық жұмыс Тәжірибелер: Аспаптар мен реактивтер
Корғасынның гидроксокарбонатын алу
жүктеу/скачать 1,11 Mb.
|
- Бұл бет үшін навигация:
- 17. Дәнекерлеу.
- Берилий, магний, сілтілік-жер металдары және олардың қосылыстары Бақылау сұрақтары
- 16 зертханалық жұмыс
| 16. Корғасынның гидроксокарбонатын алу. Қорғасын (II) ацетатының ерітіндісіне аздап қорғасын (II) оксидін қосыңдар, қоспаны бірнеше минут қыздырыңдар. Суыған ерітіндіні тұнбаның бетінен құйып алып, оған көміртегі (IV) оксидін жіберіңдер. Не байқалады? Тұнбаны сүзіп алып сүзгі қағаз арасында кептіріңдер. Алынған қорғасын (II) гидроксокарбонаты тұнбасының түр-түсін байқап жазып алыңдар. Реакция теңдеулерін жазыңдар.
17. Дәнекерлеу. а) Жұмсақ дәнекер ретінде қолданылатын құйманы (37% қорғасын және 63% қалайы) дайындау үшін қорғасын мен қалайыны технохимиялық таразыда өлшейді, қорғасынды темір немесе фарфор тигельде балқытады, содан соң қалайыны қосады. Құйманы темір таяқшамен араластырып, темір немесе ағаш қалыпқа құяды. ә) Дәнекерлеу алдында металл бетін зімпарамен жақсылап тазарту керек. Дәнекерлегіш ұшын зімпара немесе аммоний хлоридін тигізіп тазартып тұру керек. Егер кұрал ұшы таза болса, оған құйма оңай жұғады, тегіс қаптап тұрады. б) Дәнекер ерітіндіні дайындау. Ол үшін 30 г мырыш хлоридін және 15 г аммоний хлоридін 55г суда ерітесіңдер. Дәнекерлеу. екі біріктірілген бетті дәнекер ерітіндімен сулаңдар. Құралды құйманың балқу температурасынан жоғары қыздыру керек. Қыздырылған дәнекерлегішті аммоний хлоридіне немесе бірер секунд дәнекер ерітіндіге батырып алыңдар. Құралмен құйманы кішкене алып, біріктірілетін беттерге тигізіңдер, жүргізіңдер, жайлап қана басыңдар, құйма біртіндеп тегіс жайылуы керек. Құйманың артық мөлшерін құралмен (дәнекерлегішпен) кетіруге болады. Берилий, магний, сілтілік-жер металдары және олардың қосылыстары Бақылау сұрақтары 1. Берилий, магний, кальций, стронций және барий атомдарының электрондық формулаларын жазыңдар. ІІ топ негізші топшадағы берилийден барийға дейінгі элементтердің атом радиустары, иондану потенциалдары және химиялық қасиеттері қалай өзгереді? 2. Берилий мен магний гидроксидтерінің алынуы мен қышқылдық-негіздік қасиеттеріне сипаттама беріңдер. Реакция теңдеулерін жазыңдар. 3. Неліктен магний гидроксиді аммоний тұзы ерітіндісінде ериді, түсіндіріңдер. Магний ионы толық тұнбаға түсуі үшін қандай сілті ерітіндісі пайдаланылады? 4. Сілтілік-жер металдарының гидроксидтерін қалай алуға болады? Сәйкес реакция теңдеулерін жазыңдар. Сілтілік-жер металдары гидроксидтерінің ерігіштігі мен күші қалай өзгеріп отырады? 5. Сілтілік-жер металдар сульфаттары мен карбонаттарының судағы ерігіштігі қалай өзгереді? 6. Судың «кермектілігін» қай иондарға байланысты? Оны қалай жоюға болады? Сәйкес теңдеулерін жазыңдар. №16 зертханалық жұмыс жүктеу/скачать 1,11 Mb. Достарыңызбен бөлісу:
|