Зерттеу әдістері туралы жалпы мәліметтер: әдіс, әдістеме, әдіснама, тәсіл. Әрқайсысына тән сипаттарды жүйелеңіз
жүктеу/скачать 0,59 Mb.
|
04.04 ғылыми әдістер
- Бұл бет үшін навигация:
- Әдіснама (методология)
|
Зерттеу әдістері туралы жалпы мәліметтер: әдіс, әдістеме, әдіснама, тәсіл. Әрқайсысына тән сипаттарды жүйелеңіз. Ғылымның алдына қоятын негізгі мақсаты –өз нысанын жан-жақты танып білу, оның белгісіз сырларын, заңдылықтарын ашып айқындау. Мұндай мақсатты орындау үшін ғалымдар зерттеудің әр түрлі амал-тәсілдерін қолданады. Ондай амал-тәсілдердің жүйесі мен жиынтығын зерттеу әдістері деп атайды. Тіл білімінің зерттеу әдістеріне айтылғанда әдіс (метод), әдістеме (методика), әдіснама (методология) және тәсіл (прием) деген терминдері қолданылады. Алдыңғы үшеуінің ішіндегі ең жалпысы және мағынасы жағынан ауқымдысы –әдіснама да, ал нақтылысы –әдіс термині. Әдіснама (методология) –жаратылыс пен қоғам өміріндегі құбылыстардың зерттеудің, танып-білудің, түсіндірудің жалпы ғылымдық, философиялық бағыт-бағдарын, жолын көрсетеді. Ол барлық ғылым салаларына ортақ. Мысалы: бұрынғы Кеңес Одағындағы мұндай әдіснамалық принцип –тарихи материализм немесе маркстік диалектика деп аталынған. Ол барлық ғылым салаларына басшылық жасады және бірден-бір ғылыми жол деп есептелінді. Ал әдіс (метод) дегеніз –әр ғылымның тек өзіне ғана тән арнаулы зерттеу жолы, амалы. Яғни ол –әр ғылымның өз нысанын теориялық тұрғыдан зерттеуде қолданылатын амал-тәсілдердің жиынтығы. Мысалы: биология ғылымында –биологиялық әдіс, тіл ғылымында –структуралық әдіс деген сияқты. Әдіс, белгілі дәрежеде, әдіснамаға тәуелді, соған бағынады. Әдіснама дүниедегі алуан түрлі құбылыстарды ғылыми тұрғыдан танып-білудің жалпы ұстанымдарын белгілейді. Әрбір ғылым өз нысанын зерттеуде қандай әдіс қолданса да, оны ортақ әдіснамалық ұстанымға бағындырады. Тәсіл (прием) –ол бір әдістің ішіндегі одан гөрі майдарақ, одан гөрі нақтылау келген іс жүргізу амалы. Тәсіл қажетті материалды қалай жинауды, қалай екшеп сұрыптауды, қалай топтап жіктеуді айқындап береді. Бұл жағынан алғанда тәсіл әдістің көмекші құралы қызметін атқарады. Зерттеу әдістері мен тәсілдерін таңдау –зерттеушінің өз еркіндегі нәрсе емес, ол –жұмыстың тақырыбына және алдына қойған мақсаты мен міндеттеріне қарай айқындалатын нәрсе. Әрбір ғылымда бірнеше әдіс болуы мүмкін. Мәселен, тіл білімінде мынадай әдістер бар: сипаттамалық әдіс, салыстырмалы әдіс, салыстырмалы-тарихи әдіс, структуралық әдіс, статистикалық немесе сандық әдіс т.б. Әдістеме Әдістеме бірнеше рет тексерілген және проблемаларды жеңуге көмектесетіні дәлелденген процедураларды білдіреді. Бұл мәселені шешу үшін өте жақсы ұйымдастырылған және жақсы зерттелген жоспар. Әдістеме ғылыми сипатқа ие және белгілі бір жағдайдың талаптарына сәйкес бейімделу мүмкіндігімен шағын қадамдармен орындалуы мүмкін. Әдістеме мақсатқа жету үшін мәселені жеңу үшін қажет егжей -тегжейлі қадамдарды ұсынады. Кез келген салада жаңадан бастаушы үшін әдістемелер тіпті кішігірім мәселелерді шешу үшін қажет. жүктеу/скачать 0,59 Mb. Достарыңызбен бөлісу:
|