Инсценировка – прозалық немесе поэзиялық туындыларды сахнада, теледидарда, радио қойылымдарына лайықтап драмалық формада жазып шығару түрі.
Көркемдік қиял – көркемдік ойлау ерекшелігі, суреткердің дүниеде, өмірде болатын, болуы мүмкін нәрселерді, жай-жайларды қиял арқылы елестету қабілеті, бейнелеп көрсету тәсілі. Көркемдік қиял шындық пен шарттылықтың бірлестік-тұтастылығына негізделеді.
Метафора (грек. ауыстыру) – құбылыстар мен заттардың ұқсастығына қарай бір сөзді немесе сөз тіркесін салыстыру немесе астарлы мағынада қолданылуы. Мысалы,
Көздің жасы, жүректің қанымен,
Ерітуге болмайды іштің мұзын. (Абай)
Мотив – тақырыптық сарын, қалыптасқан дәстүрлі тақырыптық әуен, оқиға желісіндегі кезең. Әдеби термин ретінде X ғ. 20 ж. бері А.Веселовский, В.Проп еңбектерінде зерттеле бастады.
Достарыңызбен бөлісу: |
