Куратордың іс-әрекеті (мақсатқа қалай қол жеткіземін?)
Оқушының іс-әрекеті
Бағалау (әдіс-тәсілдер/ прием/ техника/ стратегия)
Саралау тәсілдері (қосымша көмек көрсетуді қалай жоспарлайсыз?/ қабілеті жоғары оқушыларға қандай міндет қоюды жоспарлайсыз?)
ресурстар
Басы
5 минут
Миға шабуыл. Тақырыпты ашу. Сұрақтар:
Ғарыш әлемі жайлы не білесіз?
Қарақстаннан шыққан Ғарышкерлерді білесіз бе?
Алғаш ғарышқа ұшырылған жануарды білесіздерме?
Куратор қорытындылайды: Кеңестік кезеңнің кез келген кішкентай бүлдіршініне «Өскенде кім боласың?» деп сауал қойсаңыз, міндетті түрде «ғарышкер» немесе «ұшқыш боламын» деп саңқ еткен жігерлі дауысын естір едіңіз. Бұл заңды да. Өйткені, Кеңес одағы тұсында ғарышкер – ең қадірлі мамандық саналды.Бұл ғарыш әлеміне Қазақстанның Байқоңыр қаласынан алғаш сапар шеккен Юрий Гагариннің есімімен тікелей байланысты еді. Ал, қазір заман ағымына сай, жаһандану дәуірінің тумалары мықты ІТ маманы (айтишник) болуды армандайды.
Адамзаттың ғарышқа ұшып, белгісіз әлемді тікелей өзінде зерттей бастағанына, жалпы жер шары өркениетінің, ғылымы мен техникасының дамуына үлес қосқанына биыл 58 жыл толды. 12 сәуір – Халықаралық ғарышкерлер күні. Бұл мереке жыл сайын ескерусіз қалмайды. Әсіресе, барлық білім ордаларында мерекеге орай ұйымдастырылатын сурет байқаулары мен тәрбие сағаттары балалардың ғажайып ғарыш әлеміне қиялымен қанаттанып қайтуына мүмкіндік береді.
Оқушыларға ғарышкерлер жайлы мәліметтер көрсету және түсіндіріп өту. Юрий Гагарин Адамзат баласының тұңғыш ғарышкері.1961 жылы 12 сәуірде Восток ғарыш кемесімен Байқоңыр ғарыш алаңынан тарихта тұңғыш рет ғарышқа ұшты. Ол Жерді айналып ұшып, 1 сағат 48 минуттан кейін Жерге қайта қонды
Ғарышкер ит Лайка-орбитаға жеткен ең бірінші жануар. Оны 1957 жылдың 3 қарашасында Кеңес Одағы әлемнің екінші жасанды серігі – "Спутник-2"-нің бортында ұшырды. Лайка кабинасына телевизиялық камералар мен айналадағы температура мен қысымды өлшейтін сенсорлар орнатылды. Сенсорлар, сонымен қатар Лайканың қан қысымын, тыныс алу жиілігін және жүрек соғысын өлшеп, микрогравитация әсерін зерттеуге арналды.
