Энтальпия (гр. enthalpo – жылытамын, қыздырамын), жылулық функция, жылу мөлшері – термодинамикалық жүйе күйінің функциясы болып келетін жылуға қатысты шама.
ж
Бұл терминді алғаш Х.Камерлинг-Онненс енгізген. Энтальпия (H) жүйенің ішкі энергиясының (U) және жүйенің қысымы (p) мен көлемі көбейтіндісінің қосындысына тең:
H=U+pV.
Энтальпияның өзгеруі қысым тұрақты болған жағдайда жүйеге берілетін немесе одан алынатын жылу мөлшеріне тең болады.
Энтальпия Халықаралық бірліктер жүйесінде (СИ) джоульмен (Дж.) өрнектеледі.
Стандартты жағдайлар ретінде температура 298 К және қысым 1 атм қабылданады. Осы жағдайларда реагенттер мен реакция өнімдерінің әрқайсысы өзінің стандартты (қалыпты) физикалық күйінде болады деп саналады. Мысалы, оттегінің стандартты физикалық күйі – газ күйі, ал судың стандартты физикалық күйі – сұйық күйі.
д
Жылу эффектісін калориметр деп аталатын арнайы құралмен өлшейді.
Реагенттер мен өнімдермен бірге реакцияның жылу эффектісі де жазылатын химиялық реакциялардың теңдеулері термохимиялық теңдеулер деп аталады.
Бұл жылуды өлшеуге болады, ол бір моль реагент үшін немесе реакция өнімінің молі үшін килоджоульмен (кДж) өрнектеледі. Мұндай энергия жылу эффектісі деп аталады.
.
.
Байланыс диссоциациясының стандартты молярлық энтальпиясы деп газ молекулаларындағы бір моль бірдей байланыстың стандартты жағдайда үзіліп, газ тәрізді бос радикалдар түзілуімен жүретін энтальпия өзгерісін айтады.
A−B(г) ⟶ A⋅(г) + B⋅(г)
ΔHo = ΔHoдисс
A−B(г) – стандартты жағдайда A–B байланысы бар газ күйіндегі қосылыс.
A⋅(г), B⋅(г) – стандартты жағдайда газ күйіндегі бос радикалдар.
