Уақыт алтыннан қымбат /Эссе

Адам уақытты сезінгенде өзін-өзі қадағалап отырады. Өзіне-өзі жол сілтейді. Өз уақытын пайдалана білген адам жоспарын іске асыра алады. Егерде уақытты үнемдемеген адам ол шығынға ұшырайды. Кешігіп жүретін жалқау адамға іскерлік әлемінде орын жоқ.Өйткені уақытты бағалай білген жөн.Жалқаулықтан бойыңды аулақ ұстаған жөн болар.

Мен жетінші сынып оқушысымын. Өз уақытымды құр босқа өткізбеуге тырысамын.Әрдайым сабаққа дайындалып жүремін.Бос уақытымда көркем шығармалар, қызықты ертегілер оқимын. Әр түрлі үйірмелерге қатысамын. Кей кезде уақыттың қалай зымырап бара жатқанын түсінбей қаламын. Әттең, қолымда уақытты тоқтататын машинка болса, ренжіткен немесе істелінбеген жұмыстарды түзеп жіберер едім. Бұл әр адамға сынақ болып табылады. Осы жолда сүрінбей,жақсы жетістіктерге қол жеткізгім келеді. Уақытымды саралап жүремін. «Уақыттың бос өткені - өмірдің бос өткені» деп бабаларымыз жай айтпаған. Уақытым мен күш-қуатымды дұрыс жұмсай білуге тырысамын. Мақсаттарымды жүзеге асыруға ұмтыламын.Мен үшін ең қымбат нәрсе – уақыт. Өйткені алтынды кез келген уақытта сатып алуға болады. Ал уақытты ешқашан тоқтата алмайсың. Мен ойымша уақыт алтыннан қымбат .

Адам өз уақытын үнемдей білуі керек. Өзгелердің де уақытын бағалауы қажет.Уақыттың босқа өтуі-үлкен шығын.Мұны дәлелдеудің қажеті жоқ. Пайда келетін іспен шұғылдануды ойластырған дұрыс. Бір қарағанда,ондай пайдалы іспен айналысу оңай сияқты. Бірақ олай емес. Себебі күн тәртібін жоспарлап үйрену қажет. Ол қасиетті бойыңа жас кезіңнен қалыптастыру керек.Әрбір минутыңды үнемдеп, пайдалы жұмсауға дағдылан. Сонда ғана табысқа қол жеткізіп,өз қабілет-күшіңді толық жұмсай аласың.

1. 
   «Уақыт» деген сөзді септеп жазыңдар.
   
2. 
   «Уақыт» деген сөзге дыбыстық талдау жаса 3. Соңғы сөйлемдегі үнді дауыссыз дыбыстардың астын сыз