1 Общие требования
жүктеу/скачать 9,78 Mb.
|
15 лаб омыртка зоология лабор сабак
- Бұл бет үшін навигация:
- Тыныс органдары.
- Қан айналу системасы
| Ас қорыту органдары. Ауыз қуысын қоршап тұратын жақтарында ірі тістері болады. Ауыз қуысы желбезек саңылауларын аралап өтіп, жұтқыншаққа жалғасады. Жұтқыншаққа желбезектер саңылауларының жұрнақтары брызгальцелер ашылады. Қысқа өңеші доға тәрізді иілген қарынға ашылады, ал қарыннан ары қарай қысқа аш ішек кетеді. Шажырқайда ұйқы безі жатады. Тоқ ішегі жуандау ішінде спиралды қақпақшалары болады. Қақпақшалар ішектің ішкі ас қорыту бетін ұлғайтады астың жайлап қозғалуына, толық қорытылуына әсер етеді. Екі бөлімнен тұратын бауырында өті болады. Өт жолы осы ішектің алдыңғы бөліміне ашылады . Көк бауыр қарынның иілген жағында жатады.
Сурет 15 – Акуланың ішкі құрылысы (/ — аталығы; // — аналығы): 1-танау тесігі; 2 —қалқан безі: 3 — желбезектер; 4 — желбезектің алып келуші артериясы; 5 — артериальды конус; 6 — жүрекше: 12- қарынша; 8 — вена қолтығы; 9 — бауыр; 10 — өт; 11 — бауырдың қақпа венасы: 12- қақпа веналарыныңқарынға тараған бұтақтары; 13 — қарын; 14 — шарбы; 15 — ұйқы безі: 16-— талақ; 17 — қарынның пилорикалық бөлімі; 18 — ішінде спиральдары көрсетілген тоқ ішік; 22 — аталық безі; 23-тұқым жолы : 24-тұқым қалтасы: 25-тік ішек безі: 26-несеп-жынысөсіндісі; 27-құрсақ тесігі: 28-шағылыс органы: 29-жұмыртқа жолы воронкасы: 30- өңеш кесіндісі; 31 жұмыртқа жолы: 32 —- аналық безі; 35 — жатын; 36 — несеп жолының тесігі; 38 — несеп түтікшесі. Тыныс органдары. Әрбір желбезек саңылауларының бір ұшы жұтқыншақка, ал екінші ұшы денесінің сыртына ашылады. Желбезек тесіктерінің әркайсысының аралықтары жалпақ желбезек перделерімен бөлінген. Желбезек перделерінің қалың қабатында шеміршекті желбезек доғалары жатады. Желбезек саңылауларының алдыңғы және артқы қабырғаларына желбезек жапырақшаларының орналасуы нәтижесінде желбезектер пайда болған. Желбезек жапырақшалары шеміршекті балықтарда эктодермадан пайда болады. Қан айналу системасы. Шеміршекті балықтардың, жүрегі екі камерадан: жүрекше мен қарыншадан тұрады. Жүрекшеге кең қабырғасы жұқа вена қаны құйылатын веноздық қуыс (синус) жалғасады. Қарыншаға— артериалдық конус жалғасады. Артериялық конус жүрек қарыншасының бір бөлімі болып саналады. Артериялық конус сырт жағынан карағанда құрсақ қолқасының түбіріне ұқсайды. Артериялық конустан құрсақ қолқасы басталады. Құрсақ қолқасынан желбезекке бес пар желбезек артериялық доға кетеді Сурет 16 – Акуланың қан айналыс жүйесі (ақ сызықтармен артериялар, қара сызықпен веналар көрсетілген): 1 —күре тамыр; 2 — желбезек үсті артериясы; 3 — арқа қолқасы; 4 — вена синусы; 5 — кювьеров құйылысы, 6 — шажырқайға тарамдалған артерия; 7 — кардинальная вена; 8 — воротная вена почки; 9 — хвостовая вена; 10 — бауыр қақпа венасы; 11 — бүйрек синусы; 12 — жүрекше; 13 — қолқа конусы мен жүрек қарыншасы; 14 — құрсақ қолқасы; 15 — желбезек артериясы; 16 — шықшыт венасы. Желбезек жапырақшаларына дейін қан алып келген артрияларды қан алып келуші, ал желбезектен тотыққан қанды денеге алып кетуге бағытталған қан артериялары алып кетуші артериялар деп аталады. Бұл желбезек артерия лары қолқа түбіріне келіп қосылады. Екі жағындағы (оң және сол) қолқа түбірлері қосылып жалпы арқа қолқасын құрайды. Қолқа түбірінің алдыңғы бөлімінен, бас бөліміне ұйқы артериялары тарайды. Арқа қолқасы денесінің артқы бөліміне қарай бағытталып, одан ішкі органдарға қан тамырлары таралады . Кұйрық венасы дененің алдыңғы бөліміне қарай созылып келіп, қос кардинал веналарына тарамдалады. Бұл веналардың бүйрекке келіп торлануының нәтижесінде бүйректе қан айналу системасының қақпасы пайда болады. Артқы және алдыңғы кардинал веналары жүректің тұсына келгенде оң жақтағылары өз ара және сол жақтағылары өз ара қосылады, Осының нәтижесінде веноздық қуысқа келіп құйылатын қос кювьеров өзектері пайда болады. Бауырдың қақпа венасы ішектерден басталады. Ол бауырдың ішіне енген соң ұсақ қан тамырларына тарамдалып барып, қайтадан бауыр венасына айналады. Келешекте бұл вена тамыры веноздық қуысқа келіп жалғасады. жүктеу/скачать 9,78 Mb. Достарыңызбен бөлісу:
|