Сурет-5. Педагикалық іс-әрекет құрылымы
6-суретте құзыреттілік түрлері ашылды.
Педагогтың коммуникативті құзыреттілігі – кәсіби маңызды, интегративті сапа: эмоциялық тұрақтылық, аяғына дейін тыңдай білу қабілеті, қуаттай білу іскерлігі, сыпайылық, тілдік шеберлігі және т.б.
Ақпараттық құзыреттілік – педагогтың жаңа ақпаратпен жұмыс істеу қабілеті, оқушылар мен олардың ата-аналары жайлы ақпараттар жинай алуы, оны талдай алуы.
Реттеушілік (түзетушілік) құзыреттілік – мұғалімнің өз іс-әрекетін басқара алу іскерлігі; алынатын нәтижені болжай алуы және жоспарлауы, тұрақты белсенділік танытуы; нәтижені бағалай алуы; педагогикалық рефлексия жасай алуы.
Интеллектуалдық құзыреттілік – талдау, жинақтау, салыстыру, дәлелдеу, қорыту іскерліктері; қисынды ойлау икемділігі және т.б.
Операциялық құзыреттілік – педагогикалық қызметті іске асыруға қажетті дағдылар жиынтығы: жобалаушылық, пәндік-әдістемелік, ұйымдастырушылық, педагогикалық сараптамалық әрекеттер және т.б.
Кәсіби педагогикалық іс-әрекеттің негізгі белгілері:
арнайы кәсіби білім;
нақты нәтижеге бағытталған мақсаттың болуы;
оқыту, білім беру, тәрбиелеу мазмұнының нақтылығы;
баланың педагогпен ынтымақтастық қарым-қатынасы;
педагогикалық іс-әрекеттің нәтижесін бағалай алуы;
баланы педагогикалық қолдауы.
Мұғалім шеберлігінің, шығармашылығының мәні педагогикалық мәселелердің жаңа шешімін іздестіруге және әртүрлі педагогикалық іс-әрекеттерді игеруге байланысты.
Сурет-6. Құзыреттіліктің түрлері
Мұғалімнің конструктивтік іс-әрекеті – оқу-тәрбие материалын іріктеп алумен, композициялаумен, жобалаумен байланысты іс-әрекет; оқу және тәрбие міндеттерін шешудің ең үйлесімді жолдарын іздестіру, оқу және тәрбие жұмысының формалары мен әдістерінің мазмұнын анықтау.
Достарыңызбен бөлісу: |
