19-параграф. Арнайы түзету оқу қызметі
-параграф. II жартыжылдық
жүктеу/скачать 63,84 Kb.
|
арнайы педогогика
| 2-параграф. II жартыжылдық
198. Көру қабылдау мен зейінді дамыту: 1) суретте көрсетілген іс-әрекетті нақты іс-әрекетпен салыстыру қабілетін қалыптастыру; 2) заттың бөліктерін бір бүтінге қосу (6-8 бөліктен): кесілген суреттерді, пазл түріндегі қиылған суреттерді, текшелерді жинау; 3) көлемді пішіндерді (куб, шар, кірпіш, призма, жұмыртқа, цилиндр) көзбен ажырату, үлгі бойынша көлемді пішінді таңдау; 4) геометриялық фигураларды ажырату: шеңбер, шаршы, үшбұрыш, тіктөртбұрыш, сопақ; 5) өлшемдері әртүрлі және жақтар арақатынастары әртүрлі геометриялық фигураларды ажырату; 6) бейнеленген заттың формасын геометриялық фигурамен салыстыру және заттарды геометриялық формасымен сәйкестендіру; 7) көлемдік және жазық пішіндерді корреляциялау (шар – шеңбер, текше – шаршы, кірпіш-тіктөртбұрыш, жұмыртқа тәрізді – сопақ); 8) екі немесе одан да көп бөліктерден көлемді форманы жасау (мысалы, шар – екі жарты шардан); 9) заттың бейнесін құрамдас бөліктерге бөлу және бөліктерден объектінің күрделі пішінін қайта құру; 10) геометриялық элементтердің комбинациясын пайдалана отырып, жоспар бойынша күрделі пішінді заттардың кескіндерін жасау; 11) өлшемдері (ені) бойынша дәйекті қатарды екі бағытта: өсу және кему бойынша салу; 12) объектілердің өлшемдерінің ұлғаюының (азаюының) біркелкілігіндегі бұзушылықтарды байқауға, жетіспейтін элементтерді қатарға қосуға үйрету; 13) ұзындығы, ені, биіктігі, қалыңдығы әртүрлі заттарды қатарластыру және қабаттастыру арқылы салыстыру: ұзын-қысқа, тар-кең, биік-аласа, жуан-жіңішке; 14) екі заттың массасын салыстыру, массаның көлемнен тәуелсіздігі туралы түсінік қалыптастыру; 15) ұлғайту, кішірейту тәртібімен 6-8 тармақтан тұратын сериялық қатарларды орнату (пирамида, матрешка, баспалдақ); 16) заттың басқа белгілерінен алшақтап заттың түсін (қызыл, сары, көк, жасыл, қара, ақ, қызғылт сары, күлгін) ерекшелеу; 17) түсті білдіретін сөзге сәйкес заттарды таңдау; қоршаған кеңістікте берілген түстерді табу; 18) бояуларды араластыру арқылы түрлі түсті реңктерді шығару және оларды ауызша белгілеу: күңгірт, ашық, одан да ашық, ең ашық, ең күңгірт; 19) спектрдің түстерін жылы және суық деп топтастыру; 20) үш белгіге бірдей назар аудара отырып, объектілерді топтастыру: пішін-түс-өлшем; 21) бірнеше белгілерге бірдей назар аудара отырып, үлгі бойынша объектілерді таңдау, олардың кеңістіктегі орналасуын көрсету; 22) объектілер арасындағы кеңістіктік қатынастармен практикалық түрде танысу (төменде, жоғарыда, жанында, ортасында, сол жақта, оң жақта); есту қабілеті мен зейінін дамыту: 1) таныс заттар мен табиғат құбылыстарын дыбыстық белгілеріне қарай ажырату; 2) көру анализаторына сүйенбей дыбыс көзін анықтау; 3) берілген ырғақтарды (2-3) жаңғыртып, оларды өзара ажырату; 4) дыбысталуы ұқсас буындарды ажырату; 5) буын құрамы мен дыбыстық жағынан ұқсас сөздерді ажырату; 6) берілген сөзді естіген кезде әрекетпен жауап беру (қол шапалақтау); 7) ұсынылған сөз тіркесінің ішінен берілген сөзді табу; тактильді-моторлы қабылдауды дамыту: 1) объектілерді зерттеу амалдарын үйрету: көру-тактильді (сипалау) және көру-қозғалыс (контур бойымен сызу); 2) көзбен қабылданатын үлгі бойынша әртүрлі заттарды сипалау арқылы таңдау; 3) заттарды бет сапасы бойынша (тікенді, тегіс, кедір-бұдыр) ажырату; 4) әртүрлі сусымалы материалдар мен сұйықтықтарды (құм, дән, су, бояу, май, кілегей) ажырату; 5) жазықтықта бағдарлау (қағаз парағында): парақтың жоғарғы және төменгі (сол және оң) жақтарын, парақтың ортасын анықтау және көрсету. дәм қабылдауды дамыту: 1) ұсынылған өнімдердің ішінен ащы, қышқыл, тәтті, тұзды дәмі барларын таңдай білуге үйрету; 2) ұсынылған бірқатар өнімдердің ішінен тәтті, ащы, қышқыл, тұзды дәмі бардарын таңдау; 3) өнімдерді екі дәм белгісі бойынша сұрыптау үшін шартты сигналды қолдану («Тәтті дәмі бар барлық өнімдерге қызыл шеңберлерді салындар»); 4) тағамды температурасына қарай ажырату (ыстық, суық, жылы). иіс сезу қабілетінің дамуы: 1) жағымды және жағымсыз иістерді ажырату; 2) әртүрлі топтағы иістерді дифференциациялау: гигиеналық және хош иісті өнімдер, тамақ иістері; 3) иістерге деген көзқарасын білдіру, ұнату - ұнатпау; 4) иісі бойынша сәйкестендіру: таныс тамақ өнімдері, жемістер, гигиеналық және хош иісті өнімдер. Күтілетін нәтижелер: негізгі түстер мен олардың реңктерін корреляциялауды біледі; көлемді пішіндерді (шар, текше, кірпіш, үшбұрышты призма, жұмыртқа тәрізді) ажырата алады; жазық геометриялық фигураларды (шеңбер, шаршы, тіктөртбұрыш, үшбұрыш, сопақ) ажыратады; берілген сенсорлық атрибут (пішіні, өлшемі, түсі) бойынша заттарды топтастыруды орындайды; объектілерді өлшемдерінің кему және өсу реті бойынша жүйелеуді біледі; 6-8 сақинадан тұратын пирамида жасайды; бір-біріне салынатын қуыршақтарды 6 бөлігін жинайды; 6 бөліктен тұратын затттық суретті құрастырады; суреттің контурына сүйене отырып, тұтасты толықтыра алады; көлемді пішіндерді және заттардың көлемін сипалау арқылы ажырата алады; берілген ырғақтарды қайталай алады (2-3); дыбысталуы ұқсас буындарды, сөздерді ажыратады; көзбен қабылданатын үлгі бойынша әртүрлі заттарды сипалау арқылы ажыратады; жазықта (қағазда) бағдарлауды біледі; заттарды материалы бойынша, бетінің сапасы бойынша ажыратады; сусымалы материалдар мен сұйықтықтарды ажыратады; тағамды температураға (ыстық, суық, жылы) қарай ажыратады; белгілі бір дәм атрибуты бойынша өнімдерді топтастыруды біледі; «тәтті-ащы-қышқыл-тұзды» тағамның дәмін анықтауды біледі; иісі бойынша анықтай алады: таныс тамақ өнімдерін, жемістерді, гигиеналық және хош иісті өнімдерді; иістерге деген өз көзқарасын білдіруді біледі. жүктеу/скачать 63,84 Kb. Достарыңызбен бөлісу:
|