51. Қазақ хандығының саяси институттарын сипаттаңыз Қазақ қоғамының саяси билік институттары ханның, билердің, құрылтайдың, ұлыстардың көмегімен басқарылды.
Қазақ хандығында мемлекет екі жүйе түрінде көрініс тапты.
Біріншісі: жоғарғы билік институты (хан, сұлтандар) ретіндегі белгілі саяси жүйе. Хан немесе сұлтан етіп Шыңғыс ханның тікелей ұрпағын ғана жариялауға болатын. Хан сайлауда көбінесе рудың жасы үлкен ер адамы басым құқыққа ие болды. Сұлтандар жыл сайын құрылтайға қатысты және өздеріне бөліп берілген ұлыстарды басқарды.
Екіншісі: биліктің ру - тайпалық ұйымы, онда әрбір ру мен тайпаны би басқарады. Билер - биліктің маңызды бөлігі және жоғары билік пен халықтың арасындағы байланыстырушы болды. «Хан-би-халық» билік үштігі, олардың әрқайсысы Қазақ мемлекетінің нығаюы үшін маңызды рөл атқарды.
52. Қазақстан тәуелсіздігінің алғашқы жылдарында нарықтық экономикаға көшудің негізгі міндеттерін түсіндіріңіз. 1993–1994 жылдары өнеркәсіптік өндіріс көлемі екі есе, ауылшаруашылықта – үш есе, транспорттық жүк тасымалдау үштен екіге қысқарды. Халықтың кірісі күрт төмендеді. Инфляция деңгейі шарықтады. Сондықтан, Тәуелсіздіктің алғашқы жылдарында жоспарлы экономикадан нарықтық жүйеге көшу қажет болды.
Негізгі міндеттері:
Қазақстан экономикасының дамуын шартты түрде үш кезеңге бөлуге болады. Бірінші кезең: 1991-1994 жылдар. Қазақстанда жоспарлы экономикадан нарықтық экономикаға өту. 1992 жылы қаңтарда баға босатылды. Мемлекетке қарасты өндірістік объектілерді жекешелендіру басталды. Екінші кезеңде 1995-1999 жж. Қазақстанның экономикалық даму стратегиялық жоспары және жаңа Конституция қабылданды. Ұлттық экономика тұрақталды. Шетелдік инвестициялар тартылды. 1997 жылы «Қазақстан-2030» бағдарламасы қабылданды. Үшінші кезеңде: 2000 жылдан бастап қазіргі күнге дейін-Қазақстан экономикалық өрлеу жолына түсті. 2003 жылдан индустриялық-инновациялық дамудың мемлекеттік бағдарламасы жүзеге асырылып келеді.
