Билік өкілін қорлау (ҚР ҚК 378-БАБЫ)

Билік өкiлiн қорлау оның беделіне нұқсан келетіндей әрекет жасау дегенді білдіреді. Дөрекі түрде айтылған соң, жәбірленуші туралы теріс пікір қалыптасу керек.

Билік өкілінің ар-намысы мен қадір-қасиеті жазбаша немесе ауызша (сөзбен) төмендетілуі мүмкін. Мұндай қылмыстық міндетті белгісі – билік өкілін қорлаудың көпшілік алдында жасалуы.

Билік өкiлiн өз қызметтiк мiндеттерiн атқару кезiнде немесе оларды атқаруына байланысты қорлау үшін сексен айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не сексен сағатқа дейінгі мерзімге қоғамдық жұмыстарға тартуға не жиырма тәулікке дейінгі мерзімге қамаққа алуға жазасы көзделген.

Жария түрде немесе бұқаралық ақпарат құралдарын немесе телекоммуникациялар желілерін пайдалана отырып жасалған дәл сол іс-әрекет бір жүз алпыс айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не бір жүз алпыс сағатқа дейiнгi мерзiмге қоғамдық жұмыстарға тартуға не қырық тәулікке дейінгі мерзімге қамаққа алуға жазаланады.

Билік өкілі – құқық қорғау немесе бақылау органының лауазымды тұлғасы.

Билік өкiлiнiң қызметтiк жұмысы туралы сын тұрғысында айтылған жария сөздер осы бап бойынша қылмыстық жауаптылыққа әкеп соқпайды.

Әдебиеттер:

1.Медиа және журналистика: теория мен практикаға жаңа көзқарас. Оқу құралы /– Алматы: Ұлттық аударма бюросы, 2019.

Авт.: Бейнбриж Ж.

2.Политическое сознание и политическая культура : Учебное пособие. . - Алматы: КазНТУ, 2008.