Мақсаты: балаларға берілген тапсырмаларды ойната отырып орындату. Керекті құралдар: Бірнеше нөмір жазылған дөңгелектер. Дөңгелектердің мөлшері (теңгелер) үлкен болмағаны жөн. Сынып оқушылары екі, үш топқа бөлінеді. Әр топтан бір бала «шыбық ат» мінеді. Ойынды басқарушы жүргізеді. Ойын басталатын жерге қазаншұңқырға ұқсатып шеңбер сызып дайындап қояды. Сызылған шұңқырға ұқсайтын дөңгелек шеңбердің ортасына ыдыс қойып, соған «теңгелер» салынады. Әр топтан бір бала атпен шауып барып тоқтамай, ыдыстан «теңгені» іліп алып кетеді. Әр сайыскерлердің іліп алған «теңгелерін» есептеп, сол «теңгенің» нөмеріне сәйкес карточкалардағы мысалдарды шығарғандары есептеледі. Қай топ көп «теңге» алып, сол «теңгелерден» жазылған нөмірге сәйкес карточкалардағы тапсырмаларды дұрыс орындаса, сол топ жеңеді.
