Абылай хан – 1711 жылы Шыңғыс хан әулеті Уәлидің шаңырағында дүниеге келген. Оның шын есімі- Әбілмансұр. Атақты қазақ хандарының бірі, дарынды қолбасшы, білімді дипломат, қазақ хандығының аса көрнекті саяси және мемлекет қайраткері. Қазақ Ордасының тарихындағы ең ұлы хандардың бірі.
Абылай қазақ еліне тек Шыңғыс әулетінен болғандықтан ғана хан сайланбаған. Ол ел басына күн туғанда даналығымен, батырлығымен, парасатымен, ел мұңын, халық жүгін, тарихи ауыр кезеңде жауапкершілікпен сезіне білгендігімен хан сайланды. Ол халықтың ішінен іріктеліп барып жеке дара шықты, қазақ халқының басын қосты, күшін тасытты. Қазақ елін іргелі елге айналдырған ұлы тарихи тұлға.
