Ахметов кенжебай. ӘДебиеттану әліппесі
Сұрақ. Сөз арнасын қазiргi таңдағы әдебиеттану жайына қарай бағыттағанымыз дұрыс болар. Жауап
жүктеу/скачать 2,31 Mb. Pdf көрінісі
|
7be5d3766e972ff5b9970344856a2dc2
| Сұрақ. Сөз арнасын қазiргi таңдағы әдебиеттану жайына қарай
бағыттағанымыз дұрыс болар. Жауап. Қазiргi әдебиеттану – көркем әдебиеттi; оның пайда болуы мен әлеуметтiк байланыстарын, сөздiк-бейнелiк ойлау ерекшелiктерiн; көркем шығармашылықтың табиғаты мен қызметiн, әдеби үрдiстiң жалпыға және нақты бiр аймаққа тән заңдылықтарын алуан қырынан қарастыратын ғылым. Соңғы жылдары поэтика саласын зерттеу iсi қарқынды дамуда. Бұл iзденiстер әдебиеттi ұдайы өзгеру үстiнде болатын тарихи және әлеуметтiк жағдайларға белсене араласуға қабiлеттi күрделi жүйе ретiнде қарау қажеттiгiн айқын танытты. Соның нәтижесiнде туындының iшкi құрылымындағы әр бөлшекке, олардың мәнi мен қызметтерiне мұқият үңiлу үрдiсi күшейдi. Тiптi әдебиеттанудың математикалық қырлары (аспектiлерi) 36 мен зерттеудiң құрылымдық-семиотикалық тәсiлдерiне де ынта қойылып отыр. Көркемдiк құбылысты әлеуметтiк-рухани үрдiс жемiсi ретiнде қарастыратын қазiргi әдебиеттану әдебиеттiң экономикалық, қоғамдық және идеологиялық жүйелер легiндегi орны мен мiндеттерiн танып-бiлуге ұмтылады. Сонымен қатар көркемдiк дәуiрлер мен кезеңдердiң, стильдердiң тоғысқан тұстары мен ауыспалы сәттерiне деген қызығушылық артып отырғаны да айқын байқалады. Ал қазiргi таңдағы салыстырмалы зерттеулерге көркем әдебиеттегi сыртқы және жекелеген ұқсастықтар аясынан шығуға ұмтылыс тән. Бүгiнгi әдебиеттануда әдебиеттер байланысын зерттеу iсi түрлi елдер мен аймақтарда белгiлi бiр деңгейде ұқсас сатыларды бастан өткеретiн әдеби үрдiс тұтастығын типологиялық тұрғыдан танып-бiлуге бағытталып отыр. Сондай-ақ, әдебиеттi өнердiң өзге салаларымен, идеологиямен, ғылыммен тұтастықта зерттеудiң iлкi нышандары да пайда болуда. Сұрақ. Көркем әдебиеттiң өзi қандай күрделi құбылыс болса, оны зерттеуге бағыт ұстанған ғылым да уақыт озған сайын күрделенiп, әдебиет әлемiнiң тылсымына тереңдей бойлаған сайын салаланып бара жатқанын таныдық. Осыған байланысты туындайтын тағы бiр сұрақ мынадай: Филологияда “Әдебиеттану”, “Поэтика” деген сөздер жиi ұшырасады. Бұл сөздер бiр ұғымның екi түрлi атауы ма, әлде бiрiне-бiрi тәуелдi жеке ұғымдар ма? жүктеу/скачать 2,31 Mb. Достарыңызбен бөлісу:
|