Академиялық жазылым дегеніміз
Ғылыми мақаланың мынадай қарапайым құрылымы болады
жүктеу/скачать 105,33 Kb.
|
- Бұл бет үшін навигация:
- Ғылыми мақала жазу кезінде белгілі бір ережелерді ұстанамыз
| Ғылыми мақаланың мынадай қарапайым құрылымы болады:
- кіріспе (ғылыми мәселенің қойылуы, өзектілігі, маңыздылығы, ғылымның белгілі бір саласының дамуы үшін қосатын үлесі - 1 абзац немесе 5-10 қатар); - автордың соңғы уақыттағы мәселе бойынша сүйенетін негізгі зерттеулері, мақала арналып отырған шешілмеген мәселелерді беліп көрсету (0,5 -2 бет); - мақаланың мақсаты мен міндеттерінің қойылуы. Мақала мақсаты тақырып бойынша негізгі жарияланымдарға шолу жасап, ғылыми мәселенің қойылысынан келіп шығады (1 абзац немесе 5-10 қатар); - жеке зерттеу мазмұнын баяндау мақаланың негізгі бөлігі болып табылады. Онда ғылыми зерттеудің негізгі ережелері мен нәтижелері, жеке идеялары, пікірлері, ғылыми деректер, эксперимент бағдарламасы, алынған нәтижелерді талдау, негізгі тұжырымдарды жүзеге асыруға автордың қосқан үлесі және т.б. баяндалады. (5-6 бет); - автордың негізгі пайымдауы сипатталатын қорытынды, тұжырымдар мен ұсынымдардың берілуі, олардың теория мен практика үшін маңызы, қоғамдық маңызы мен болашағы (1/3 бет). Ғылыми мақала жазу кезінде белгілі бір ережелерді ұстанамыз: - оң жақ жоғары бұрышқа автордың аты-жөні жазылады, қажет болғанда автор туралы басқа да мәліметтер беріледі (мысалы, ғылыми дәрежесі, ғылыми атағы, жұмыс орны); - мақала атауы оның негізгі ойы мен идеясын айқындап тұруы керек (бес сөзге дейін болғаны мақұлданады); - инициалдар (қазақ тілінде) автордың тегінің алдына қойылады; - ғылыми есеп беру стилінен аулақ болған жөн; - риторикалық сұрақтарды қоймаған дұрыс, негізінен хабарлы сөйлемді қолданған абзал; - ережелер мен пікірлерді санамалаған кезде цифрлармен мәтінді толтырмау қажет; - белгілі ғалымдардың еңбектеріне сілтемелер мақаланың басында беріліп, негізгі көлем автордың жеке ой-пікіріне арналғаны дұрыс; - мақала нақты тұжырымдармен және ұсынымдармен аяқталуы керек, мақала соңында пайдаланылған әдебиет тізімі беріледі. Мақала қолжазбасына автор қол қойып, редакцияға басуға тапсырылады. Мақала жазу барысында ойыңызды анық көрсетіп, мақаланың логикалық құрылымын анағұрлым көрнекі қылу үшін төмендегідей түрлі қыстырма сөздер, фразалар қолдануға болады: Біріншіден... Екіншіден... Үшіншіден... Ең алдымен Сонымен бірге Сондай-ақ Бұдан әрі Жоғарыда айтылғандарды ескере келе Сәйкес Осылайша Осы ретте Осыған сәйкес Дегенмен Алайда Бір жағынан Жалпы алғанда Сондықтан Қорыта келе Сезімізді қорытындылай келе Десе де, қыстырма сөздерді орынсыз қолданудан, әрбір сөйлемді қыстырма сөзден бастаудан аулақ болғаныңыз жөн. жүктеу/скачать 105,33 Kb. Достарыңызбен бөлісу:
|