Сына сүйектің кіші қанаты – alae minores –негізінде дөңгелек тәрізді көру нерві өзекшесінің – canalis opticus тесігі орналасқан. Оның ұзындығы 5-6 см-дей. Бұл өзекше арқылы ІІ жұп нерві, көздік артерия мен веналар өтеді. Қанатарының алдыңғы жиегі маңдай сүйекпен байланысады, ал артқы жиегі бас сүйек қуысына қарайды. Артқы қыры сүйірленіп алдыңғы өсіндіні - processus clinoideus anterior құрайды. Сына сүйектің жоғарғы беті бас сүйек қуысына қарайды, ал төменгі беті көз ұяға қараған және қанаттарымен бірігіп, көз ұясының жоғарғы саңылауын – fissure orbitalis superior шектейді. Осы саңылау арқылы ІІІ, ІV, VI жұп ми жүйкелері және көз жүйкесі өтеді.
