Мақсаты. Қоршаған ортаны, соның ішінде қызғалдақты қорғауға
шақыру, қазақ даласына тән қызғалдақтың тарихи отанын шетелдіктерге
таныту. Міндеттері: -
Қазақстан тарихи отаны болып табылатын «Қызғалдақтың»
тарихын таныстыру; -
азаматтарды еліміздің құндылығын лайықты бағалауға шақыру;
-
отандық брендті насихаттау;
-
бәсекеге қабілеттілікті арттыру.
Іске асыру механизмдері. Өңірлерде фестиваль аясында апталықтар
ұйымдастырып, орталық көшелерде «Қызғалдақ көрмелерін» ұйымдастыру
қажет. Отандық брендтің тарихы мен пайдалы қасиеттерінен хабарлама беретін
көше билбордтарын дайындап, көрнекі жерлерге ілу керек.
Әлеуметтік желілерді пайдаланушылар арасында «Қызғалдақ» гүлін
насихаттау мақсатында #Қызғалдақпенфото хэштегімен фото-видео челлендж
ұйымдастыру қажет.
Республикалық және өңірлік телеарналар мен БАҚ-тардың ықпалымен
«Қызғалдақ» гүліне қатысты бағдарламалар мен ақпараттық мақалалар
дайындап, көрермен назарына ұсынып, насихаттау жұмыстарын жүргізу
қажет.
Карантин уақытында қызғалдақтың түрлерін түгел қамтуға тырысып,
виртуалды көрме дайындау керек.
Отанымыздың айшықтарын айқындайтын естелік белгішелер мен
кәдесыйларға қызғалдақ бейнесіндегі дүниелерді дайындап, қосып, ел
тұрғындары мен қонақтарына ұсыну керек.
Гүл өсірушілер арасынан кәсіби мамандарды тауып, үй жағдайында,
кәсіпкерлік мүмкіндік жағдайында қызғалдақ өсіріп, баптаудың жолдарын
таныстыратын видеобағдарламалар дайындап, көрермен назарына ұсыну
керек.
