Шығармашылық жұмыс, топтық жұмыс (ойындар, сахналау, “дөңгелек үстелдер”, плакат жасау, сурет салу, өлең құрастыру, ән шығару, ұсақ-түйек жасау және т.б.)
Музыка және топпен ән айту.
Сабақтыжоспарлаубойыншаұсынымдар
1.Тақырып оқулықтан алынады, қалған материалдарды мұғалім өзі таңдайды. Мұғалімнің шығармашылық қатынасы маңызды. Оқулықтан нені алатынын, ал мұғалімнің сыйын ретінде жаңадан нені ұсынатынын жүрекпен ұғынғаны абзал.
2. Сабақтың мақсатында жалпыадамзаттық құндылық сабақтың тақырыбымен байланысты көрініс табуы тиіс.
3. Сабақтың міндеттерінде (білімдік, дамытушылық, тәрбиелік) таңдап алынған жалпыадамзаттық құндылыққа сәйкес қасиеттер көрініс табуы тиіс.
Жағымды көңіл күйге келу сабақтың басында және соңында өткізіледі, кейде сыныпта тәртіп бұзылған жағдайда сабақтың ортасында да өткізуге болады.
Шығармашылық және топтық іс-әрекеттерді мұғалімнің оқиғаны айтып беруінен соң өткізген дұрыс. Егер оны өткізуге үлгермеген жағдайда келесі сабақта өткізуге болады.
Өзін-өзі тану” пәні бойынша оқушылардың білім сапасын бағалау “Өзін- өзі тану” рухани-адамгершілік білім беру бағдарламасы бойынша әзірленген “Оқушылардың дайындық деңгейіне қойылатын талаптар” негізінде жүргізіледі.
Рухани-адамгершілік білім берудің ерекшеліктеріне сәйкес сандық емес, сапалық бағалау маңызды, сондықтан бағалау әрбір жартыжылдықтың қорытындысы бойынша “сынақ” түрінде қойылады.
“Оқушылардың дайындық деңгейіне қойылатын талаптар” пән бойынша сынақ қою критерийі қызметін атқарады.
Оқушылардың дайындық деңгейіне қойылатын талаптардың барлығын орындаған оқушыға “сынақ” қойылады.
