әлімжеттік көрсетеді екен (Алматы,
24.01.2014).
Ақша – қаруың. Онымен қорқытасың, әлімжеттік етесің (Қазақ
әдебиеті, 25.10.2015).
Осы сияқты ұмытылған атаулардың қазіргі заманда қайта жаңғыруы
рухани мәдениет жаңғыруымен сабақтасатыны белгілі. Олай болса, мәдени
атаулардың астарлы мағына ретінде окказионалды қызметте, кумулятивтік
қызметте газет тілінде жиі қолданылуы жаңа ұрпақтың ұлттық санасын
жаңғыртуға қызмет етпек. Осы тектес қазіргі таңда көне атаулардың
жаңартылған жаңа мағынасының перифразалық сипаты олардың кумулятивтік
қызметі мен прагматикалық қызметін тұтастырады.
Сол сияқты қазақтың перзентіне, ұрпақ жалғастығына қатысты «балам –
балым», «ананың көңілі – балада» деген қағидасы отбасы тәрбиесінің өзегін
құрайтын. Бүгінгі қоғамда «ананың көңілі балада» емес, «далада» болатын
жағдайлары қазіргі қоғамда қазақ қызының баласынан бас тартып, сәбиін
саудалауы, тастандылар тағдыры, көкек-аналардың кісі құптамайтын, қатігез
қылықтары ұлтымыздың қайғы-қасіретіне айналып отыр.
Соңғы кездері БАҚ-тан оқып жүрген
көкек ана, көкек әке, құрсақ ана, жатырды жалға беру деген қазақ танымына жат мазмұнды жаңа қолданыстар
соның айғағы.
Мысалы:
Павлодар облысында жаңа туған нәрестесін тастап қашқан көкек ана іздестіріліп жатыр (Егемен Қазақстан, 16.11.2013).
Оны туған баласынан жеріп, тіпті, алимент төлеуден жалтарып жүрген көкек әкелер қайдан сезсін (Алматы ақшамы, 21.12.2015).
Суррогат ана, яғни құрсақ ана , ғылымда соңғы он бес жылда қарқынды дамыған медициналық құбылыс болып есептеледі (Ана тілі, 19.01.2011).
Бүгiнде
