Құда – ерлі-зайыптылардың әкелері, аталар жасы үлкен туыстары.
Бас құда – жасы үлкен басты құда.
Бауыздау құда – құдалықты тұңғыш пәтуаласып, баталасқан адам.
Бел құда (ежеғабыл)– әлі тумаған іштегі балаларын атастырып, пәтуаласқан әкелер мен аталар.
Бесік кертті құда – бесіктегі ұл мен қызды атастырып құдандасқан әкелер мен аталар.
Қарсы құда– екі жағы қарама-қарсы қыз беріс қыз алысқандар.
Қылауы түспеген құда – құдаласқанына көп уақ өтпеген жаңа құда.
Қызылқұда – әйелдері жүкті болмай-ақ құдандасқан адамдар.
Кетқұда– бұрынғы өткен құдандастар.
Қума құдалық – 3-4 адамның бір-біріне бір кезек қыз беріп, қыз алысатын құдалығы.
Құдағи (құдағай) – ерлі-зайыптылардың шешелері, әжелері.
Құда бала– құдандалы адамдардың ер баласы,
Құдаша – құдандалы адамдардың қызы.
ЖАЛПЫ АТАУЛАР Ақсақал – жасы үлкен, құрметті адам.
Қария– көрген-білгені мол, көп жасаған ер адам.
Шал, қарт – қартайған ер адам.
Абышқа – шал.
Сарыкідір – елге тартқан кісі.
Ажа – құрметті, сыйлы адам.
Отағасы, қосағасы –үй иесі, жолы үлкен ер адам.
Отанасы – үй иесі әйел.
Әкей, жәкей – әкені, жасы үлкен ер адамды құрметтеп атау.
Еже – әкенің апасы.
Кәрия– көп жасаған құрметті әйел.
Сардігер – жасамыс әйел.
Ебей – кәрі әйел, кемпір. Ебейін, ебене, ебесін деп те айтылады.
Кемпір – қартайған әйел.
Кейуана– жасы ұлғайған ұлағатты қарт ана, әже.
Әжей – әжемен тұстас кейуананы құрметтеп атау.
Жұбай – әйелдің күйеуіне қатысты атау.
Зайып – ердің әйеліне қатысты атау.
Кішілік//кіші – әйелі, жұбайы; құл.
Апай, аяш – жалпы әйелдерді құрметтеп атау.
Бәйбіше – 1 көп әйелді адамның алғашқы әйелі.
2. жасы егде тартқан салиқалы әйелді қүрметтеп атау.
