Киізден жасалған бұйымдар, киімдер, нәрселер Текемет – қойдың күзем жүнінен (қара түсті) басылған, бетіне түрлі түсті, бейнелі ою-өрнек салынған киіз үй жиһазы.
Сырмақ– ою бастырып немесе жиектен өрнектеліп сырылған төсеніш.
Киіз кілем – киізден өрнектеп жасаған кілем.
Наруан – түйе жүнінен иірілген жіптен тоқылған кілем.
Барақ кілем– ұзын түкті жүн кілем.
Қалы кілем – жүннен тоқылған қалың, түкті, гүлді, бағалы кілем.
Зербарақ – шашағы зерлі түкті кілем.
Масаты кілем – сапалы жүннен, жібектен тоқылған сәнді кілем.
Түс кілем– өрнектеп тоқылып, тұсқа ұстайтын кілем.
Нар кілем – үлкен кілем.
Киіз көпшік – киіз жастықша.
Киіз қап – киізден тігілген сиымдылығы әртүрлі қап, қапшық. Киіз дорбада болады.
Киіз есік – киіз үйдің көтермелі-түсірілмелі жабық есігі.
Бөстек – иленген теріден жүнін үстіне қаратып жасалған жұмсақ төсеніш.
Алаша – әртүрлі жіптен өрмек арқылы өрнек салып жолақтап тоқылатын өрнекті тақыр кілем.
Тулақ– босаға алдына төселетін иленген мал терісі.
Күпсек – қалың өсін жүнді теріден жасалған төсеніш.
Дебіске – мата бастырып оюлаған жеңіл сырмақ.
Әрекет – жүннен тоқылған алаша.
Бойра– қамыстан тоқылған төсеніш.
Далақ – көлемді, өте үлкен алаша.
Киіз қалпақ – ақ киізден тігілген айыр қалпақ.
Киіз етік – таза қой жүнінен, былғары және елтірі өндірістерінде өнделген терілерден түсетін қалдық жүннен, киіз және жүн өндірістерінің қалдықтарынан құрастырылып тігілген етік.
Киіз кебіс– жылылық үшін етік пен бәтеңке сыртынан киюге арналып тігілген галош тәрізді биіктігі тобыққа жетер, өкшелігі ойық киіз аяқ киім.
Киіз ұлтарақ – етік пен бәтеңкі ұлтанынан сыз өтпеу үшін іш-жағынан табан астына салатын табан үлгісіндегі киіз.
