«Жаңа сөз үйренейік» айдарындағы тапсырмада оқушыларға сөздердің мағыналары беріледі және мысалдар келтіру арқылы түсіндіріледі. Оқушылардың сөздік қорын молайту мақсатында
бірнеше сөйлемдер құрастырылып айтылады.
«Сөйлесейік»айдарындағы тапсырманы орындау үшін оқушылар ортаға шығады. «Пікірлер сызығы» әдісі бойынша оқушылар екіге бөлінеді. 1-топтағы оқушылар – осы пікірмен келісетіндер, 2-топтағы оқушылар – осы пікірмен келіспейтіндер. Сыныптың ортасына қызыл түсті ұзындау лента қойылады.
Оқушылар лентаның екі жағында тұрулары керек. Оқушылар айтылған пікірмен не үшін келісетінін, себебін үлгіні пайдаланып, мұғалімнің көмегімен айтады. Осы тапсырманы орындау арқылы оқушылардың айтылым дағдысы, өзін ортада еркін ұстауы, өз
пікірін білдіру қабілеті дамиды. Оқушылар келісемін/келіспеймін деп себебін түсіндіруге дағдыланады.
Үлгі: Мен бұл пікірмен келісемін, себебі.....
Мен бұл пікірмен келіспеймін, себебі....
Туысқандарға үнемі қамқор болу керек.
Ата-анаға қамқор болу – әр адамның борышы, міндеті.