Қазақстан мұсылмандары діни басқармасының cараптау комиссиясы мақұлдаған
жүктеу/скачать 1,76 Mb. Pdf көрінісі
|
| Қағбаның тұрғызылуы
Арада біраз уақыт өткен соң Ибраһим (а.с.) Меккеге тағы келді. Ол баласының маңдайынан сүйген соң: «Исмайыл! Аллаһ маған бір ұлы істі əмір етті» дейді. Исмайыл болса: «Əкешім! Аллаһ əмір етсе дереу орындаңыз. Мен де сізге көмектесейін», – дейді. Ол сонда: «Аллаһ бізге Қағбаның қабырғасын қалауды əмір етті», – деп жауап береді. Олар шұғыл іске кірісіп құрылысты бастап та кетті. Хазірет Исмайыл тас тасып, Ибраһим пайғамбар оны қалап жатты. Бір кезде Қағбаның қабырғасы биіктеп, Ибраһим пайғамбардың бойынан асқанда, ол баласына бір тас əкелуді бұйырды. Баласы Исмайыл таудан бір тас əкеліп, əкесінің табанының астына қояды. Кейбір деректерде бұл тасты Жəбірейіл періште жаннаттан алып келгені туралы айтылады. Бұл тастың түсі қара болғандықтан, «Қара тас» деп аталды. Əкелі-балалы екеуі Қағбаны салып біткен кезде, Ибраһим қолын жайып: «Бізден қабыл ет, күдіксіз, Сен тілекті, тым естуші, толық білушісің. Раббымыз, екеумізді де өзіңе бой ұсынушы қыл, ұрпақтарымызды да өзіңе бойсұнушы үмбет ете гөр, əрі бізге қажылық амалдарымызды көрсетіп, тəубəларымызды қабыл ет, əрине, Сен өзің тəубаны қабыл етуші, ерекше мейірімдісің. Раббымыз, ұрпағымыздың ішінен, оларға аяттарыңды оқитын, Кітапты əрі үкімдерін үйретіп, оларды тазартатын бір елші жібергейсің, күдіксіз, Сен өзің ғана аса үстем, өте данасың» ?">[196] ?">, – деп жалбарынады. Баласы Исмайыл да қасында қол жайып «əмин» деп қайталап тұрады. Иə, Халилуллаһтың (а.с.) осы дұғасы қабыл болып, Хақ тағала ақыр заман пайғамбары етіп хазірет Мұхаммед пайғамбарды (саллаллаһу алəйһи уə сəллəм) жібереді. Қағба толық біткен кезде, Хақ тағала оларға Қағбаға тауап ететін қажылықтың парыз болғандығын жария етуіне əмір берді. Хазірет Ибраһим Қағбаның үстіне шығып күллі, мұсылмандарды қажылыққа шақырды. Естіген халық топ-тобымен келіп Ибраһим пайғамбардан қажылық парыздарын үйреніп, онымен бірге қажылық жасады. Хазірет Ысқақ та ит арқасы қияннан келіп, ағасы Исмайылмен бірге міндетін өтеді. Содан күні бүгінге шейін мұсылмандар сол бір қасиетті жерге зиярат етіп, қажылық жасап келеді. Хазірет Ибраһим ақырғы қажылығын əйелі Сарамен бірге жасады. Одан кейін Шамға оралды. Əйелі Сара жүз жиырма жасында бұл дүниемен қош айтысты. Оның артынша хазірет Ибраһим де өзіне жүктелген міндетті толық атқарып барып көз жұмды. Хазірет Ибраһим Құдысқа жақын Халилур-рахман деген жерде жерленеді. жүктеу/скачать 1,76 Mb. Достарыңызбен бөлісу:
|