Қазақстан мұсылмандары діни басқармасының cараптау комиссиясы мақұлдаған
жүктеу/скачать 1,76 Mb. Pdf көрінісі
|
| Исрайыл халқының Мысырдан көшуі
Перғауын мен оған ерген халқының бұдан былай иманға келмейтінін білген хазірет Мұсаға Хақ тағаладан халқын түнделетіп Мысырдан көшіріп əкету туралы уахи келді. Алайда əскерін ерткен перғауынның арттарынан өкшелетіп қуатынын, бірақ бұларға еш нəрсе істей алмайтындығын ескертті. Хақ пайғамбар бір түнде исрайыл халқын қаладан жасырын түрде ертіп шығып, Қызыл теңізді бетке алып қашты. Көп ұзамай олардың кеткенінен хабар алған перғауын да əскерін жинап арттарына түсті. Бұл кезде хазірет Мұса мен халқы қаладан ұзап кеткен болатын. Əйтсе де перғауынның оларды қуып жетуге шамасы əлі де болса жеткілікті еді. Өйткені ол сақадай сайланған əскерлерімен шықса, исрайылдықтар бала-шаға, жас-кəрісімен, мал-мүлкін алып ілбіп бара жатты. Хазірет Мұса Қызыл теңізге жақындағанда, арттарынан қуған перғауынның қалың қолы менмұндалап көрінді. Олардың аяғынан шыққан қою шаң қара құйындай яки төніп келе жатқан жауар бұлттай қорқынышты көрінді. Қатты қорыққан Исрайыл халқы хақ пайғамбарға: «Қақпанға өзіміз келіп түстік. «Өз көрін өзі қазды» деген осы емес пе? Алдымыз мынау Қызыл теңіз. Артымызда өкшелеп қуып құмырсқаша қаптап келе жатқан перғауынның қалың қолы. Енді қайттік?» деп қатты састы. Аса сабырлы хақ пайғамбарды халқының бұл сөзі де, перғауынның қалың қолы да титтей сескендіре алмады. Қайта Хақ тағалаға деген сенімі бұрынғыдан бетер арта түсіп: «Жоқ, əсте олай емес. Расында, Раббым менімен бірге. (Ендеше зəредей алаңдаушы болмаңдар). Маған сөзсіз жол көрсетеді» ?">[291] ?">, – деп арыстандай айбаттанып, күндей күркірейді. Алдында асаудай толқыған шет шегі жоқ теңіз тұрса да, артында көптігінен жер қайысқан перғауынның зұлым əскері келе жатса да, үмітін үзбеді. Хақ тағалаға терең тəуекел ету – пайғамбарларға ғана тəн қасие?">т ?">[292] ?">. Əне-міне дегенше болған жоқ перғауын əскерлері ат шаптырым жерге келіп те қалды. Сол сəтте Хақ тағаладан хазірет Мұсаға: «Асатаяғыңмен теңізді ұр!» ?">[293] ?"> – деген уахи келді. Мұса пайғамбар аса таяғымен теңізді ұрған кезде асау толқын ортасынан қақ жарылып даңғыл жол ашылды. Исрайыл халқы дереу сол жолмен суыт жүріп теңіздің арғы бетіне өте шықты. Осы кезде перғауын да, оның əскері де теңіздің таудай толқындар құдіретше жол ашып тұрғанын көріп, оның мұғжиза екендігіне көзі жетсе де, сол теңізден ашылған жолмен оларды өкшелеп қуа берді. Исрайыл халқы түгелдей жағалауға шыққанда бұлар да оқ бойы жақындап қалған болатын. Бір кезде Хақ тағаланың əмірімен теңіз қайта жабыла қалды, перғауын мен оның əскері теңізде кеменің күйреген тақтайларындай əр жерден бір көрініп өлім құшағына еніп бара жатты. Көп ұзамай теңіз баяғы қалпына келді. Перғауын теңіз жолымен жүріп келе жатқанда, екі жағында асқар таудай болып толқып теңіздер тұрған еді. Ол іштей қатты қорықса да, əскерінің алдында беделі түсіп, өзінің пенде екендігін көрсетіп алатын болғандықтан амалсыз кері қайта алмай, осы жолға түскен-тұғын. Перғауын залым болса да, ақымақ, санасыз адам емес-тін. Ол санасыз болса, елін басқара алмайтын еді. Сондықтан хазірет Мұсаның хақ пайғамбар екендігін жақсы білетін. Əсіресе сиқыршылардың аяқ-қолын бір-бірлеп кесіп, азаптап өлтірсе де, олардың «қыңқ» етпей жан үзуі жəне сүйген жары Əсияның азаптан көз аша алмай өліп бара жатып күлімсіреуі бұған қатты əсер еткен еді. Өзінің немере ағасының да иман келтіргенін сезетін. Бірақ өзі иман келтірейін десе, өз тағынан да, бағынан да айырылып қаламын ба деп қатты қорқатын. Өйткені ол елге «тəңірмін» деп құқайлану арқылы лəззат алатын. Һəм Исрайыл халқы оның құлақ кесті құлдары еді. Енді келіп бір кездері суға ағып бара жатып, өз адамдары арқылы сарайға əкелінген исрайылдық бір баланың артынан еру бұл үшін өлімнен де өткен қорлық еді. Шайтан оның осы осал жерінен мықтап ұстағандықтан ол ақтық деміне дейін нəпсісін жеңе алмады. Осындай ойлар санасында сапырылысып жатқанда, бір кезде артындағы мыңдаған əскерінің құлақ тұндыра шыңғырған жан дауыстары оны селк еткізді. Ол əу баста не болғанын білмей аспанға қарап еді, таудай екі теңіздің өзіне қарай құлдилап құлап келе жатқанын көріп қалды. Ол сонда ғана өлетініне көзі анық жетті. Осы уақытқа дейін бойындағы өзін алдап келген нəпсісі ғайып болды да, ақылшы шайтаны аяқ астынан жоғалып кетті. Ол: сол сəтте дереу сəждеге жығылып: «Исрайыл ұрпақтары иман келтірген Тəңірден басқа тəңір жоқтығына иман келтірдім. Мен де бойсұнушылардан болдым», – деп, өзінің мұсылман болғандығын жариялайды. Алайда шыбын жан шығар сəтте тілін кəлимаға келтіру иман келтіргенге жатпайды. Оның үстіне перғауынның аятта айтылған сөздеріне зер салып қарасаңыз, оның шынайы мұсылман болғаны нақты білінбейді. Ол «Исрайыл ұрпақтары иман келтірген Тəңір» – дейді. Бұл Исрайыл ұрпақтарының ішіндегі қай исрайылдықтарды меңзеген? Өйткені Исрайыл ұрпақтарының ішінде Хақ тағалаға иман келтірген де, одан өзге бұзауға яки басқаға табынғандар да бар еді. Иман келтіргендерінің өзі Хақ тағалаға дұрыс сенбейтін. Тұп-тура иман келтіру деп перғауын сиқыршыларының иман келтіруін айтуға болады. Олар кезінде сəждеге жығылып: «Əлемдердің Раббына иман келтірдік. Мұса мен Харунның Раббына», – деген еді. Бұл жерде олар біріншіден, «Əлемдердің Раббына» деп күллі ғаламзатты жаратқан Жаратушыны айтып тұр. Екіншіден, «Мұса мен Харунның Раббына» дейді. Яғни ол екеуінің пайғамбарлығын мойындаумен бірге соларды жіберген жалғыз Жаратқанға иман келтіріп тұр. Үшіншіден, исрайылдықтар секілді емес, Мұса мен Харун қалай сенсе біз де солай сендік деп ақида- сенімдерінің дұрыстығын меңзеген. Мінеки, бұл жерде сиқыршылардың иманы осы тұрғыдан ең мықты терең иман болатын. Оларды суға тұншықтырса да, отқа күйдірсе де, алған бетінен қайтпайтындықтары осы сөздерінен белгілі. Хақ тағала: «Сенен кейінгілерге үлгі болуы үшін денеңді (жансыз түрде) құтқарамыз?">» ?">[294] , – деп, Мысыр перғауынының денесін кейінгі ұрпаққа ғибрат ретінде сақтады. Құранда Аллаһ тағала: «Кімде-кім тозаңның түйірінің салмағындай жақсылық жасаса, ол оны көреді» дегеніндей, перғауынның осы жарамсыз кəлимасы мен сəждесінің өзін оң қадам, кішігірім жақсы амал ретінде бағалап, оның жан қалауын береді. Яғни оның денесін қияметке дейін шірітпей сақтайды. Өйткені перғауындар мəңгі жоқ болып кетуден қорыққан. Өлген соң денелерін мумиялатып пирамидада сақтатуы да сондықтан еді. Перғауын теңізде өлгенде, Хақ тағала оның зорлықпен болса да тілмен айтқан иманының құрметіне сай осы тілегін қабыл алып, оның денесін ғасырлар бойы теңіз астында мумиясыз-ақ сақтайды. Кейіннен еуропалық ғалымдар осы перғауынның мумиясын теңіз жағалауын қазып жүріп тауып алады. Перғауын сол сəждеге басын қойған күйінде тұрады. Ғалымдар зерттей келе табылған адамның денесі сол перғауын заманына сəйкес келетіндігін анықтап қатты таңырқайды. Өйткені оның денесі сол күйінде шірімей сақталған болатын. Олар қанша зерттегенмен, ғасырлар бойы мумияланбаған адам денесінің қалай шірімей келгеніне саналары жетпейді. Теңізге батқан перғауынның денесін көп ұзамай теңіз толқыны жағалауға шығарып тастады. Исрайылұлдары бұл перғауынның жансыз денесін өз көздерімен көрді ?">[295] ?">. Қазіргі таңда Лондонда танымал Британия мұражайында мумиялар бөлімі бар. Мұнда əлгі перғауынның сəждеде жатқан денесі халықтың назарын өзіне аудармай қоймайды. Бұл денені ағылшын зерттеушілері құм астынан тауып алып, Британия мұражайына қойған. Дене дін аман, дене мүшелері мен ішкі ағзалары түгел. Тіпті, сарғыш шаштары мен сақалдарына дейін сақталған. Тағы бір таңқаларлығы дене мумияланбаған. Əдетте, мумияланатын дененің ішкі ағзалары алынып, арнайы бальзамдалады. Ал мына денеге ешкімнің қолы тимеген. Бұл денені көрген адам «30 ғасыр бойы шірімей, қалай сақталған?» деп ойланбауы, ғибрат алмауы мүмкін емес. Тақтайшаға: «Бұл бағзы заманнан біздің дəуірімізге дейін бальзамсыз бұзылмай жеткен бірден-бір мəйіт. Оның сан ғасыр бойы бальзамсыз сақталу сыры: Мəйіт құм астында қалған кезінде ылғал мол болған. Құмдағы ылғалдың кебуі мəйіттің бойындағы судың да сорғуына жағдай жасаған. Құмның бірте-бірте кебуі нəтижесінде Перғауын денесі де бабымен сүрлене бастаған. Осы үрдістер нəтижесінде бұл дененің бүлінбей сақталынуына жақсы жағдай туған» ?">[296] ?">, – деп жазылған. Алайда бұл жорамал ғана. Бұл жорамалда дұрыс та бар, бұрыс та бар. Анығында, бұл тек Құранның мұғжизасы, əрі оның ақиқат кітап екеніне бірден-бір дəлел. жүктеу/скачать 1,76 Mb. Достарыңызбен бөлісу:
|