57
Жүргізілген қайта құрулар Орталық Қазақстанда 0638 – «Ақпаратты
өңдеу және беру процестерін автоматтандыру және механикаландыру» –
ААЖ мамандығы бойынша ақпарат пен ақпараттық жүйелерді өңдеудің
автоматтандырылған әдістері саласында мамандар даярлау міндетін қоюға
мүмкіндік берді және 1975 жылы тау-кен электрмеханикалық
факультетінің негізінде автоматика және ақпараттық жүйелер факультеті
(ААЖ) ашылды. Факультет құрамына ӨПА, ЭӨТ, АЕТ, өнеркәсіптік
кәсіпорындарды электрлендіру (ӨКЭ),
электртехниканың теориялық
негіздері (ЭТН) кафедралары кірді, оларда 50-ден астам оқытушы жұмыс
істеді, олардың тең жартысы ғылыми дәрежелер мен атақтарға ие болды.
Бес жылдан кейін ректорат ААЖ факультетін электрмеханикалық
факультетке (ЭМФ) қайта құру туралы шешім қабылдады, оның құрамына
ӨПА, АЕТ, ЭТН, ТЭ, ӨКЭ, ТМжәнеК, ЖжәнеДӨТ кафедралары енгізілді.
1993 жылы ҚарПТИ ректораты құрамына АИТ, АЕТ және ААЖ
кафедраларын енгізе отырып, жаңа ақпараттық технологиялар факультетін
(АТФ) құру туралы шешім қабылдады. Электрмеханикалық
факультеттің
құрамында өндірістік процестерді автоматтандыру, электрмен жабдықтау
және электртехника (1997 ж. біріктірілген), тау-кен машиналары мен
жабдықтары кафедралары қалды.
Факультеттің дамуына декандар О.В. Хорошев, А.Ф. Кичигин, Б.Г.
Климов, Ш.У. Кан, Г.С. Фищук, Г.Г. Бернардов, В.К. Донис, Л.С. Ушаков,
Ю.П. Галишников, А.Н. Шпиганович, К.Б. Қызыров, Б.Н. Фешин, Б.А.
Жаутиков, В.В. Лихачев, Г.Г. Таткеева, Ф.Н. Болатбаев үлкен үлес қосты.
Факультет
қызметі энергетика, байланыс, автоматтандыру және
телекоммуникация жоғары технологиялық және ғылымды қажетсінетін
салалар үшін бәсекеге қабілетті кадрлар даярлауға, ғылым, техника және
технологиялар
саласында, сондай-ақ жоғары білім беру саласында
инновацияларды тиімді іске асыруға бағытталған. Жұмыс істеген жылдар
ішінде факультетте 7000-нан астам инженерлер, бакалаврлар мен ғалымдар
дайындалды, олардың даңқы алма-матер шегінен асып түседі.
Факультет кафедраларының оқу-зертханалық базасы бірегей және
Орталық Қазақстанда, ал кейбір пәндер бойынша бүкіл
республика
бойынша баламасы жоқ.
Біздің мақтанышымыз Festo, Mitsubishi, Schneider Electric, Siemens
фирмаларының ең заманауи проблемалы-бағдарланған зертханалары, «Оқу
техникасы» (Ресей) болып табылады. Факультет кафедраларының
студенттер мен оқытушылардың күшімен
жұмыс істеп тұрған оқу
стендтерін жасауда көп жылдық оң тәжірибесі бар.
Факультет студенттерінің базалық, теориялық және арнайы
дайындығының жоғары деңгейі оларға студенттік олимпиадаларда,
ғылыми конференциялар мен конкурстарда факультетті лайықты көрсетуге
мүмкіндік береді.
58
Факультеттің профессорлық-оқытушылар құрамы білім беру мен
бақылаудың заманауи компьютерлік жүйелерін енгізуге, күрделі
компьютерлік жүйелерді-студенттерді
энергетика, байланыс және
автоматтандыру саласындағы білікті инженер ретінде болашақ қызметіне
барынша жақындатуға мүмкіндік беретін нақты машиналар мен
механизмдердің, құрылғылар мен жүйелердің имитаторларын жасауға
және оқу процесіне енгізуге бағытталған.
ЭАТФ – отандық және шетелдік өнеркәсіпті техникалық қайта
жарақтандыруға қосқан үлесі көптеген
наградалармен және алғыс
хаттармен,
кәсіпорындардан
берілген
пікірлермен
бағаланатын
профессорлардың, оқытушылардың, қызметкерлер мен студенттердің
біртұтас ұжымы. Факультеттің мамандықтары мен білім беру
бағдарламалары ұлттық рейтингте бірнеше рет жүлделі орындарға ие
болды.