Әлеуметтік сипаттағы төтенше жағдайлар

Адамзат өзінің тіршілік әрекетінде, яғни өмір сүруі мен дамуы үшін жағдай жасауда қауіптермен қақтығысады. Адамның кез-келген іс-әрекеті қоршаған табиғи ортамен және әлеуметтік ортамен байланысты және де потенциалды қауіпті. Потенциалды қауіп жасырын сипатқа ие және белгілі бір болжамсыз шарттармен туындайды.

Қауіптер түрлі сипатқа ие және олардың көпшілігінің негізінде қоғамдық ара-қатынастағы шиеленістермен байланысты әлеуметтік сипаттағы төтенше жағдайлар жатыр. Соңғы уақыттардағы төтенше жағдайларды талдау нәтижелері көрсеткендей, төтенше жағдайлардың 75-80%-ның туындау себептері адамзат әрекетімен байланысты және әлеуметтік сипаттағы себептермен шартталады [18].

Осы тарауда әлеуметтік сипаттағы төтенше жағдайлардың мәні, себептері мен салдары, туындау заңдылықтары, жіктелуі қарастырылған.