21
Педагогикалық үдеріс барысында оқушыларда ғылыми
дүниетанымның негіздері, Кәсіби нанымдары қалыптасады; еңбекке,
еңбек адамдарына деген құрмет, жоғары адамгершілік қасиеттерге
тәрбиелеу.
Тәрбиелеуші оқыту білім алушылардың жеке ерекшеліктерін,
оқушы ұжымының жалпы сипаттамасын, тәрбиелік міндеттерді
шешуде мақсаткерлікті есепке алуды көздейді.
Педагогикалық үдерістің тәрбиелік функциясын жүзеге асыру
–
танымдық үдеріске "тәрбие сәттерін қосу". Педагогикалық үдерістің
тәрбиелік әсері ең алдымен оның бағытталуында, білім алушылардың
кәсіби білімі мен іскерлігінің өмірмен, практикамен байланысын
ашуында болып табылады.
Оқытудың педагогикалық үдерісінің дамытушылық қызметі
оқушылардың ойлаудың ұтымды тәсілдерін: талдау, синтез,
салыстыру, жинақтау және т. б. қалыптастыруда, танымдық және
жасампаздық
белсенділікті
және
дербестікті,
танымдық
қызығушылықты және қабілеттілікті, ерік-жігерді, өз бетінше білім
алу, өзін-өзі жетілдіру, шығармашылық ойлауды дамытуда; зейінді,
есте сақтауды, сөйлеуді, қиялды дамытуда; оқу, педагогикалық және
өндірістік еңбек мәдениетін қалыптастыруда көрініс береді [8].
Педагогикалық үдерістің осы негізгі функциялары өзара тығыз
байланысты және өзара тәуелді. Дүниетанымды қалыптастыру,
танымдық және жасампаздық күш пен шығармашылық қабілеттерін
дамыту білім мен іскерлікті меңгеру негізінде және олармен тығыз
байланыста ғана мүмкін болады.
Достарыңызбен бөлісу: 
