Көтеріліске қатысушыларға қарсы құқықтық, әкімшілік жазалау шаралары кеңінен қолданылды.Патша өкіметі көтерілісшілерден аяусыз кек алды. 3 000-ға жуық адам жазаланды. Жүздеген ауылдар өртеліп, көптеген бейкүнә адамдар атылды. Патша соттары қозғалысқа қатысушыларға соғыс уақыты заңымен үкім шығарды.Ұлт-азаттық көтерілісті басып-жаныштау барысында патша үкіметі «өртке оранған жер» стратегиясын қолданды.
Ақпан реыолюциясының қарсаңында, Қазақстанның басқа облыстарында әскери қимылдар тоқтағанда, Торғай даласында жазалаушы отрядтар мен көтерілісшілер арасында шайқастар жалғасып жатты. 22-24 ақпан көтерілісшілер соңғы шайқасын Доғал Үрпек ауданында өткізді. Торғай өзені арқылы ауыл болып шегінген қазақтарды жазалаушы отрядтар екі жақтан қыспаққа алып, бірнеше жүздеген әйелдерді, қарттар мен балаларды, мыңдаған сарбаздарды өлтірді. Ақпанның соңында жазалаушы отряд шегінді. Ақпан төңкерісінің жеңісінен соң, көтерілісшілер отрядтарының саны шұғыл өсті. 1917 жылдың соңында Амангелді Торғайды алды. Яғни, Торғай көтерілісі ақпан революциясына ұласты.
