4. Ең жоғары пайда алғысы келген монополист өз өніміне бағаны төмендетеді, егер ... а) орташа шығындар түссе (төмендесе)
б) жарнама шығындары өссе
в) шекті табыс шекті шығындардан асса
г) шекті табыс ауыспалы шығыстармен теңелсе
д) орташа шығындар бағамен теңелсе
Әдістемелік нұсқаулар:Семинарға дайындықты ұсынылған әдебиеттерді талдаудан бастау керек. Семинар сабағына дайындалу барысында монополиялық биліктің мәні және көрсеткіштері, ұзақ мерзімдегі монополиялық тепе-теңдік, бағалық дискриминация дәрежелері, монополия түрлерінің алуандығы және салаға кіруге қарсы тосқауылдар, сұраныстың бағалық икемділігі және монополиялық тепе-теңдік сияқты сұрақтарды талқылап, ерекше назар аудару қажет.
ТАҚЫРЫП 7. МОНОПОЛИЯЛЫҚ БӘСЕКЕ: ҚЫЗМЕТТЕР ӨНДІРІСІНІҢ КӨЛЕМІ МЕН БАҒАСЫН АНЫҚТАУ СӨЖ ТАПСЫРМАЛАРЫ
1.Тақырып сұрақтарын ауызша талқылауға дайындалу
2.Өзін - өзі бақылау сұрақтарына жауап беру
3.Тест сұрақтарына жауап беру
4.Тақырып бойынша қосымша глоссарий құру.
ӨЗІН-ӨЗІ БАҚЫЛАУ ҮШІН СҰРАҚТАР: Монополиялық бәсекелестік нарығын сипаттаңыз.
Монополистік бәсекелестік жағдайларда қысқа мерзімді тепе-теңдік қалай белгіленеді? Сондағы үдерістердің қайсысы нағыз бәсекелестікпен, қайсысы – монополиямен бірдей?
Ұзақ мерзімді тепе-теңдік қалай белгіленеді?
Монополиялық бәсекелестіктің шығындары қандай, олар немен себептеледі?
ЖАТТЫҒУЛАР ЖӘНЕ ТЕСТІЛЕР 1. Әр түрлі өнімді шығаратын көптеген шағын фирмалар сәйкес ... а) олигополияға
б) монополистік бәсекелестікке
в) нағыз бәсекелестікке
г) монополияға
д) таза бәсекелестікке
2. Монополиялық бәсекелес жағдайындағы ұзақ мерзімді тепе-теңдік деген, ол ... а) Р = LRACmin б) Р = МС
в) фирмалар экономикалық табыс алмайтындығы
г) өндірісте барлық ресурстардың пайдаланылатындығы
3. Монополиялық бәсекелес нарықтың мысалын келтіріңіз. Егер нағыз бәсекелестік нарығы болса, онда қандай өзгерістер болуы мүмкін? Осы мысалдың негізінде монополия бәсекелестігінің жағымды және жағымсыз жақтарын түсіндіріңіз.
4. Фирма монополиялық бәсекелес болып табылады. Оның шекті табысының функциясы: MR = 10 – 2q; ұзақ мерзімді шығындардың өсетін бөлігі: MC = 2q – 2. егер LRACmin = 6, фирманың өндірістік қуаттарының артығы қандай болады?
