Мәдени әркелкілік пен
өзгерістің салдары
Ешбір мәдениет мәңгілікке оқшауланбайды және олардың бірде-бірі
өзгеріссіз қалмайды. Дегенмен мәдени әркелкілік пен өзгеріс қоғам-
дағы қазіргі қиындықтарды жеңуге көмектеседі, бірақ олар жаңа
қиындықтар тудыруы мүмкін. Осындай екі проблема - мәдени артта
қалу және мәдени соққы алу.
Мәдени артта ңалу
Мәдени артта қалу. Мәдениеттің
бір бөлігінің басқасына қарағанда
жылдам өзгеруін - мәдени артта
қалу дейміз.
Мәдениеттің бір бөлігі басқа бөліктеріне қарағанда жылдамырақ
өзгерсе, әлеуметтік қиындықтар туындауы мүмкін. Бұл жағдай
мәдени артта қалу деп аталады (Brinkman & Brinkman, 1997). Мәде-
ни артта қалу, көбінесе әлеуметтік тәжірибелер мен құндылықтар
технологиялық өзгерістерге ұшырамаған кезде пайда болады.
«Секстингтің», яғни ұялы телефондар арқылы жыныстық қаты-
насқа шақыратын суреттер жіберудің көбеюі - заң, қүндылықтар мен
әлеуметтік тәжірибелер технологиялық өзгерістен артта қалғанда туын-
дайтын проблемаларды суреттейді. Секстинг жастар үшін күнделікті
өмірдің бір бөлігі ретінде қабылданады. Ауқымды бір зерттеуге сәйкес,
жасөспірімдердің 20 пайызы және 20 мен 26 жас аралығындағы жастар-
дың 33 пайызы секстингпен айналысады (Hamill, 2009). Бірақ ересектер
арасында мәдени құндылықтар да, заңдар да (ересек адамдар түсінігін-
дегі) осы өзгеріске ере алмады. Нәтижесінде, кейбір секстингпен айналы-
сатындарға балалар порнографиясына қатысты айып тағылып, өз фото-
суреттерін достарына жіберіп жатса да қамауға алынған.
| 
