PISA зерттеуіндегі анкеталық сауалнама Бұл айрықша құрал білім алушылардың, педагогтердің және білім беру мекемесі әкімшілігінің өзін өзі бағалауына арналған үш сауалнамадан тұрады. Білім беру мекемесіндегі анкеталық сауалнамалар күн сайын сол жерде жүретіндерге өз пікірін айту мүмкіндігін ұсынуы тиіс. Оны оқу ғимараты мен білім беру мекемесінің аумағын іс жүзінде пайдалану жөніндегі дәлелді деректерді жинау және триангуляциялау, сондай-ақ білім алушылардың, педагогтердің және білім беру мекемелері басшылығының пікірін білу үшін қолдануға болады.
Сауалнаманы мына мақсатта жүргізуге болады:
Физикалық оқу ортасын тәжірибеде пайдалану жөніндегі деректерді талдау;
Білім алушылардың, педагогтердің және білім беру мекемесі басшылығының физикалық оқу ортасы жайлы пікірін зерттеу.
Білім беру мекемесі деңгейіндегі сауалнама нәтижесін мекеменің материалдық-техникалық базасын тұрақты түрде жақсарту және тиімді пайдалану немесе жаңғырту бойынша шараларды негіздеу үшін қолдануға болады.
Сауалнама деректерінің көмегімен қолданыстағы физикалық оқу ортасын қолайлырақ етуге көмектесетін тиімді шешімдерді табуға, оқу ғимараты мен аумағының жаңа конфигурациясына көшуге, сонымен қоса оны пайдаланудың тиімділігін арттыруға болады. Бұдан бөлек, әлгі нәтиже оқу ортасының педагогикалық қызметке, оқу үлгеріміне және білім алушылардың игілігіне қалай әсер ететінін тереңірек түсінуге көмектеседі.
