авторлары бұл ерекшеліктерді түсінбегендіктен, уақ-керейдің бір тармағын «кіші керей», – деп бөліп алған сияқты. 1755–56 жылдары осы кіші керейлер Қожаберген батырдың бастауымен шығыс Қазақстанға қарай көшіп Керей тайпасына қосылған, Тарбағатай, Алтай тауларын мекен еткен 64 . 1760 жылғы 19 мамыр Орта жүздегі Құлсары батырға барып келген тыңшы Сафар Сәлиевтің айтқандарынан Қазақтардың айтуынша, Орта жүз найман болысының көкжарлы руының Барақ батыры өз серіктерімен бірге өткен қыста бірнеше ұранхайлықтарды қазақ даласына әкелді. Олар Қытайға қарайтын ұлыстардан болса керек. Қытай шекарасына жақын жерде Абылай хан бастаған екі мың, Қабанбай батыр бастаған екі мың, Қожаберген мен Қошқарбай ба- тырлар бастаған екі мың, көкжарлы Барақ бастаған екі мың әскер тұр 65 . Сол сияқты Қожаберген батырға қатысты деректер Қытай мәліметте-
рінде де молынан ұшырасады. Соның бірін назарларыңызға ұсынамыз.
1761 жылғы 17 наурыз Қытаймен жылқы айырбасы туралы Сауда жасауға екі топ қазақ келді. Құралбай қатарлы 13 қазақ Қожабергенге қатысты екен. Өздері мінген және жүк артқан көліктерін қосқанда тоқсаннан астам жылқы әкеліпті. Ал Матан 64
«Қазақтың ханы – Абылай: Дәуірі, өмірі мен қызметі: ғылыми басылым. – Алматы:
«Ел-шежіре» ҚҚ, 2011. 1-том, 134-б.
65
«Қазақтың ханы – Абылай: Дәуірі, өмірі мен қызметі: ғылыми басылым. – Алматы:
«Ел-шежіре» ҚҚ, 2011. 2-том, 92-б.
қатарлы 90-нан астам қазақ Абылайға қарасты екен, олар 700-ден астам жылқы әкеліпті. Оларды әрі қарай, Үрімжіге Вешең бастап
