Жан ана
Ана деген ардақты, Үйге барын арнапты. Ұл-қызы үшін аянбай, Еңбек етер жан-жақты.
|
Ә. Әлішова
|
Ақ сүт бердің тәп-тәтті, Әлдиіңмен уаттың.
Кей-кездері тентек боп, Мен өзіңді мұңайттым.
|
Әжем Таусылмайды өлеңі, Күнде айтып береді. Барған сайын бір жаққа, Кәмпит алып келеді.
Әжем мені, өйткені, Өте жақсы көреді.
|
С.Оспанов
|
Апарсам да Меккеге, Өтей алман қарызды.
Бір сен деп мен жасайын, Амалдарды бар ізгі.
|
Бөбегіме
Құлдыр-құлдыр, бөбегім, Қуанышқа бөледің.
Ал мін, бөпем, арқама, Атың болып желемін.
«Шабандозбын» деп сен де, Мен «шапқанда» сескенбе... Бірақ әке мойнына
Мініп алма өскенде. Еңбек еттік құлшынып. Өрік, алма,
Алмұрт, алуа
Жеміс салды құлпырып.
Ә. Табылды
|
Сыйлаңдар
Үлкендерді сыйлаңдар, Алдын кесе қимаңдар. Өнегелі болыңдар, Өнегеліде иман бар.
Е. Әбікенұлы
|
Реттеуші Бақылап жол тәртібін, Өткізетін әр күнін.
Реттеушіні көрдім мен. Қиылыстан дәл бүгін.
Қ.Шағыр
|
Көшеден өту Машинаның бәрі Жаяуларда әрі:
Жасы, мейлі, кәрі – Қызыл, жасыл,сары – Үш көзі бар шамды – Жанып,сөніп тұрар Бағдаршамды аңдып, Бұйырған тез ұғар.
Бүгін де, кеше де Дәл біздің көшеде Көрдік бір ағаның, Жүрісті реттеп, Тұрғанын күзетте.
Таяғын: «Жүр! Кідір!» - Деп нұсқап, сермейді, Машина бірде бір Оныңсыз жүрмейді.
Е.Өтетілеуұлы
|
Жолдан өткенде Дастан деген баламын, Мектепке енді барамын.
Жүруді де үйрендім, Көшесінде қаланың.
Жол шетіне келгенде, Тоқтай қалып мен демде, Көз саламын арнайы Белгісі бар жерлерге.
Қауіпті ғой көше тым, Қумай жолдың төтесін, Жолақтарды іздеймін Жаяу адам өтетін.
Асықпаймын аптығып, Алдым мұны жақсы ұғып. Пианино тіліндей,
Қатар-қатар ақ сызық.
Ортасында тұра қап, Оңға, солға бір қарап, Жолдың арғы шетіне Жетіп алам жылдам-ақ.
Қ.Шағыр
|
Достарыңызбен бөлісу: |
