Бағдат Оралбайұлы «Тегімізді тануға талпыныс»

Бұл анадан: Нұрбек, Сарқожа, Дәуіт қожа, Қожабек туған, ал екінші-кіші анамыздың аты Торқа екен. Бұл анадан Тасқожа, Бекқожа, Есқожалар тарайды. Енді осы жеті бабамыздың ұрпақтарын таратамын.

Мендікбайдан Мұрат, Мұраттан Нұрқас, Нұрғали, Нұрлан, Арман төрт ұл. Өз кезегінде Нұрқастан Нұржан, Нұрғалидан Бахтияр, Данияр, Бауыржан деген үш ұл. Нұрланнан Елсияр, Арманнан Арнат, Фархат.

Жоғарыда аты аталған Батқал Әрінқожаұлынан Абдрахман, Абдрахманнан Нұрәсіл, Нұрәсілден: Серікжан, Нұрлан, Ерлан, Еркін. Енді Серікжаннан Мейіржан мен Жандос, Нұрланнан Шыңғыс. Ерланнан: Дінмұхамбет, Досымжан, Даниял. Еркіннен Ерасыл мен Ернұр.

Әкежан Әрінқожаұлынан Әлсейіт, Әлсейіттен төрт ұл: Қоңыртай, Сұртай, Көбектай, Жұмагелді. Қоңыртай мен Көбентайдан ұрпақ жоқ. Сұртайдан Нұржан және Маржан, Меруерт, Нұржаннан Дастан. Жұмагелдіден үш ұл: Бахтияр, Ұлан, Бейбіт. Бейбіттен Нұрасыл мен Жанасыл. Ұланнан Айсұлтан.

Бейбіттен Шалқар мен Бағжан. Сарқыттан Өркен. Тоқтардан төрт ұл: Хамит, Еркін, Медет, Еділ. Хамиттен Жайық, Жайықтан Еміл мен Кемел туады. Еркіннен Ертіс, Медеттен Ілияс, Еділден үш қыз бар. Ертістен Едіге есімді Еркіннің немересі бар.

Оңдасынан төрт ұл: Мұхит, Мұхтар, Мақсұт, Мұрат. Мұхтардан Нұрсұлтан. Байкенже бауырдан Мақсат пен Бекзат.

Жәнібек бабаның бір ұлы Жанғұлы, Жанғұлыдан Шипық, Шипықтан Бейсембай, Бейсембайдан үш ұл: Нұртай, Амангелді, Аманжол. Нұртайдан Әсет (бірақ қазір Нұртай да Әсет те суға кетіп қайтыс болған, ұрпақ қалған жоқ) Амангелдіден Нұрбол, Аманжолдан Алмас туған.

Кейінгі лек Қожалардың ішінде Әубәкір атамыз бен Қалиакбар әкеміз өз замандарында емшілікпен айналысқан екен. Бұл кісілердің осы қасиеттері өздерінен кейінгі ұрпақтарына да ауысқан болуы керек. Қазіргі күндерде Қалиакбарұлы Оңғарбай ағамыз да әке жолын жалғастырып, халықты емдеп, дертті болған жандарды кеселдерінен айықтырып сауапты іс атқарып жүр. Экстрасенс, массажист, космоэнергетикалық каналдарымен емдеу саласының магистрі, сеанстар өткізеді. Сонымен бірге, халықты медицина бойынша қорғасын құюмен ұшықтау т.т.с.с ем-домдар жасап халықтың алғысына бөленіп жүр. Оңғарбай ағамыздың емшілік қасиеттері тұқым қуалап қыздары Дина мен Гульнара да емшілер болумен бірге көріпкелдік те қасиеттері бар.

Нұрбек қожа бабамыздың ұрпақтарының бірі – Молдажан. Осы Молдажанның баласы Сейілханнан Оралғазы (Өкей) туады. Оралғазы (Өкей) мен бәйбішесі Серікқайша екеуінің қыздардан басқа үш ұлы бар. Олар: Еркін, Ербол, Дулат. Ерболдан Нұрасыл, Сырым және Дулаттан Ерасыл, Нұралы есімді немерелері Өкей марқұмның атын шығаруда. Ал, енді Еркін болса әзірге үйленбеген. Келекшекте бұл ұлымыз да өз сыңарын тауып, ұрпақ сабақтастығын жалғастыру мәселесінде өз үлесін қосып, азаматтық міндетін орындар деген ойдамыз.