Мейірбикелік араласулардың мақсаты – менингококты жұқпаның таралуына жол бермеу.
Мейірбикелік араласудың жоспары
|
Мейірбикелік араласудың орындалуы
|
1.Анықталған менингококты жұқпа ауруын керекті инстанцияларға хабарлау
|
СЭС – қа хабарлау
анықталған менингококты жұқпа ауруы туралы бала бақшаға немесе мектепке хабарлау
|
2.Науқасты оқшаулау
|
Міндетті түрде науқасты ауруханаға жатқызады.
Науқасты жазылып кеткенше оқшаулайды. Менингококқа бак. зерттеу қорытындысы теріс нәтиже болғанда ғана балалар ұжымына жіберіледі.
|
3.Қатынаста болғандар арасындағы шараларды ұйымдастыру
|
Қатынаста болғандарды анықтау (учаскелік медбике үйдегі науқаспен қатынаста болғандардың тізімін жазады; Балалар ұйымының медбикесі балабақшадағы, мектептегі қатынаста болған балалардың тізімін жазады).
Карантин 10 күнге жарияланады. Карантин 11-күні ошақта тағы менингококты жұқпа анықталмаса ғана алынады.
Қатынаста болғандар арасында жұқпаны анықтау үшін карантин кезінде күнде таңертең, кешке балалардың дене температурасын тексеру, мұрын жұтқыншақты қарау, терілерін тексеру, улану белгілерінің пайда болуын қадағалайды.
Қатынаста болғандардың барлығынан мұрын және жұтқыншағынан менингококқа жағынды алады.
Бак. зерттеудің нәтижесіне байланысты мына шаралар өткізіледі:
теріс нәтиже - ұжымға жіберіледі;
менингококты бактериотасымалдаушы – сульфаниламидтермен ем жүргізеді және мұрын және жұтқыншағына санация жасалып, ұжымға жіберіледі.
|
4.Жұқпаның ауа – тамшымен таралуына жол бермеу.
|
Науқасқа және қатынаста болғандарға күтім көрсетуде бетперде тағу режимін ұйымдастыру.
Үнемі ылғалды тазалау жұмысының жүргізілуін, бөлменің желдетілуін қадағалау.
Ересектерге, балаларға «жөтелу тәртібін» үйретіп, оның орындалуын қадағалау.
|
5.Қатынаста болғандардардың иммунитетін көтеру
|
Витаминдерге бай тамақтармен қоректенуді қадағалау.
Салауатты өмір сүруді ұйымдастыру.
Әлсіз, жиі ауыратын балаларға дәрігердің нұсқауымен енжар иммунитет қалыптастыру мақсатында иммуноглобулин енгізу.
|
