Бастауыш мектептегі информатика сабағын оқыту әдістемесі

Мектептегі барлық пәндер бойынша оқу-тәрбие жұмысын ұйымдастырудың негізгі түрі сабақ болып қалыптасады. Мектептегі сабақ сынып–сабақ жүйесінің негізін қалайды. Оның мынадай негізгі сипаттары бар: 1) оқу топтарының құрамы; 2) әр сыныптағы оқыту мазмұнын қатаң анықтау;3) оқу сабақтарының нақты белгіленген кестесі; 4) оқушылар жұмыстарының жекелей және бірлескен түрлерін ұштастыру; 5) мұғалімнің жетекші ролі; 6) оқушылар білімін жүйелі тексеру және бағалау.

Бастауышта информатика сабағын компьютер арқылы оқытуда, 15 минут шамасында уақыт берілуі керек. Осы кезде практикалық сабақты бірнеше рет өткізуге болады: информатика сабағында сыныптың бірінші тобымен, немесе басқа пәнді оқытуда сыныптың екінші тобымен бастауыш сыныпқа ұсынылатын компьютерлік оқыту бағдарламалары арқылы жүргізуге болады.

Компьютерлік практикум сабағы жеке немесе (бір компьютерге бір оқушыдан) демонстрациялық түрде болады. Сыныптағы мұғалімнің компьютері «электронды» тақта ретінде қолданылуы мүмкін.