319
ХІV тарау. Астық жəне оның өнімдерінің физикалық
қасиеттері
14.1. Астық массасының физикалық
қасиеттерінің жалпы сипаттамасы
Астық сақтау тəжірибесінде міндетті түрде есте ұстайтын
оның белгілі бір айқын физикалық ерекшеліктері не қасиеттері
болады. Астықты тасымалдау, өңдеу мен сақтау барысында
дəндердің осы қасиеттерінің ерекшеліктерімен есептесе отырып,
оларды дұрыс пайдалана білсек, дəндердің шығынын кемітіп,
сапасын арттыра түсер едік.
Астық өңдеу үдерістерін механикаландыру, автоматтандыру,
олардың ішінде астықты қабылдаған соң ең керектісі кептіру мен
тазартудың жаңа тəсілдерін енгізумен бүгінгі күннің талабына
сай құрылған элеваторлар мен қоймаларда дəндерді дұрыс сақтау
үшін астықтың мына төмендегідей физикалық қасиеттерін жете
біліп, орынды пайдалану, қолдану керек. Дəндер жиымының
сусымалылығы мен өздігінен іріктелуі, қуыстылығы, ылғал, бу
жəне газ сіңіргіштік қабілеті, жылу сыйымдылығы, жылу
өткізгіштігі, жылу мен ылғал өткізгіштігі жəне т.б көрсеткіштер
астықтың негізгі физикалық қасиеттерін анықтайды.
Достарыңызбен бөлісу: 
