| Шығармаларының зерттелуі, басылуы. Шығармаларының алғаш баспа бетін көруі «Айқап» журналымен байланысты. Ал ең алғаш 1922 ж. Қазан қаласында «Адасқан өмір» поэмасы жеке кітап болып шыққан. 1922 ж. шығармалары толық жинақ болып шығады. 1950 ж. Б. Кенжебаевтың алғысөзімен және 1957 ж. таңдамалы шығармалары жарық көрді. 1967 Ы. Дүйсенбаевтың алғысөзімен екі томдық шығармалар жинағы баспа бетін көрді.Бұдан кейін ақын шығармалары дүркін – дүркін баспа бетін көріп отырды.
Ол туралы алғаш пікір 1918 ж. «Абай» журналында «Екеудің» авторлығымен шыққан (Ж. Аймауытов, М. Әуезов) «Абайдан соңғы ақындар» деген мақалада айтылған. Ақын шығармаларын жинап бастыруға Б. Күлеев пен Ж. Аймауытов көп еңбек сіңірген. Б. Кенжебаев та: «Ғұмырымның жарымын С.Т. мұрасын зерттеуге жұмсаған адаммын» деген. Олардан басқа Ы. Дүйсенбаев, М. Қаратаев, З. Ахметов, С. Қирабаев, Ә. Дербісәлин, А. Еспенбетов т,б, сияқты ғалымдарды ғалымдардың есімін ерекше атауға болады.
Достарыңызбен бөлісу: |
